عربيٌ أنا ……
طبعا اكيد , يقال عربي أنا و افتخر !!! كلام جميل بس والله محير ,
اول شي من هو العربي ؟ العربي هو كل شخص ناطق للعربيةو كان كان وارد تعريفه عند الغرب : المرحلة الستينيات والسبعينيات في القاموس الأمريكي المسمى روجيت ثيساورس Roget Thesaurusبكونه “جلف، نذل، أخرق، مخادع، ساذج”. ولم تحذف هذه النعوت القبيحة إلا بعد جهود وضغوط بذلتها المنظمات العربية في أمريك.
يعني انا والله حابب افتخر كوني عربي بس بصراحة مالي مسترجي بنوب , العرب ظراف بس يعني بتتطلع على الحياة لى الدنيا على الأمم , اخر شي بتفكر تفتخر في انك عربي , بغض النظر عن الاعتقاد أو الدين , او حتى المذهب العرب عرب….راحت فلسطين بغلط عربي و شطارة اجنبي, راحت العراق بجبروت عربي و شطارة اجنبي ,يعني كل بلد عربي اله سوسة , من روح على شرق الأردن العراق فارطه حكايتو و ما عم يعرف شعبه يلتم شعي على سني عى كردي , لكويت ما اله ادخ بشي بنوب دوبها تصرف مصاري , و تدفع , منطلع على الشمال , سوريا مرة حرية مرة لا مرة بتأدر تحكي اي شي و اكتيير لأ , العين عليها و ماحدا مرتاح الها و اخرتن العرب يخربو بيتها ”لا سمح الله” لبنان , ضل الغرب وراها لفرط و كمان شعبها العربي ما عم يلتم على بضو , الحأ على حزب الله على جنبلاط على مدري مين , الشطارة تعرف لمين تبسها وتحكي الحأ عليه و ما تعمل شي, بتروح على الغرب , فلسطين محتلة و أكل الهوا انه شعبها كمان عم يفرط بين بضو انا مع فتح ولا حماس و لا مدري مين كلو راكض ورا مصلحتو ….
بتروح على مصر تنازع على الحكم , و وزير ثقافه ما عندو جنس الثقافه او الإحترام , والمغرب العربي على اساس عربي, تونس مابدها حجاب , ليبيا بدها ثورة على الأغنياء , الجزائر دائما عندن شي اسمه اسلامي متطرف ,و مدري شو , بترجع للشمال , السودان استلمت الدين و اكلت ها , الصومال من زمااان و نحنا منسمع انه عندن مجاعة , السعودية نسبة العنوسة 60% و ميزانية دفاع اكتر من ايران و ما بعملو شي, اليمن شغالين ببعضن ونزاع سلطة , الامارات مادخلهن بحدا , قطر مابدها ناس من الأردن , البحرين وعمان ما بعرف عنن شي, يعني كل دولة عربية الها قصة و المشكلة لومنطلع كل شي محلول ….بإيد الخليج تنهي مجاعة الصومال , و بإيد شعب العراق انه يتوحد , و لبنان يركز عألها , سعودية لو بتستثمر بكل بلد عربي شوي بيمشي حالها … بس نحنا سبحان الله اللهم مصلحتي ….
و الحلو انه الحكومات بتنعكس على الشعوب , يعني بمنطقة صغيرة بتلاقي مجتمع عربي كامل , عائلة غنية جدا, وتانية غنية , تالته على ادها و وحدة فقيرة , و حده عندها تفكك اسري , و غيرها نزاع سلطة بالبيت بين الزوج و الزوجة , و بتلاقي طبعا العائلة الخاينة , و المشكلجية , و المتدينة و المنعزلة , و يلي الها علاقات ب منطاق تانية ….
افتخر انتي عربي : ههههههه ما بعرف شو احكي , بس مني و علي انا بفتخر و بحكي انا موفق : ) اريح شي ….
November 21st, 2006 at 3:56 am
شوف انا يمكن ما بطلعلي احكي عن العرب لانو ما الي خص فيهم لانو زي ما انت عارف انا سلطي بس على كل حال كلو حكي ….
المهم
هلا انت لد - يعني اطالع - على تاريخ العرب كلو قبل الاسلام بتعرف قديش لنهم جماعه فارطين واطلع عليهم بعد ما تركو الاسلام بتشوف كيف صارو افرط من اول وحتى لما كانو الجماعه يصحو كان ما يكون حاكمهم عربي متل عماد ونور الدين زنكي,وصلاح الدين ,قطز , والظاهر بيبرس وابن قولون. وعد قد ما بدك بس على كل حال لا تنسى انو الرسول عليه الصلاه والسلام عربي.
بس برضو انا ما الي دخل حكينا من الاول انا سلطي …………………..
November 21st, 2006 at 4:12 am
[...] عربيٌ أنا …… [...]
November 21st, 2006 at 4:16 am
على كل يا سلطي … هيك حال العرب هلا , جابو الحكي لحالهم و البهدلة …
بس الغريب انه يا مو حاسين يا اما مافي احساس من اصلو عشان يحسو ….
انتي سلطي , و انا شامي , وهدالك **** و بعين الله …
المهم , انك اتكون مبسوط :)
March 1st, 2007 at 3:31 pm
بسم الله الرحمن الرحيم
تحية لموفق القباني وتحية كبيرة ل انا سلطي
انا بحكي انه انا مسلم قبل كل اشي حتى السلط”مع العلم انه انا من اكثر المتشددين للسلط والسلطية”0
والعرب ما الهم قيمة بدون الاسلام واكبر دليل فترة الجاهلية الاولى القديمة والجاهلية المعاصرة التي يعيشها الاكثرية بسبب ابتعادهم عن الدين القويم
اللهم اهد جميع المسلمين الى الدين القويم
May 28th, 2007 at 1:19 pm
هلأ كلام الأخ عن إنو من لما ترك العرب الاسلام فرطو هو كلام ما فيو دقة, لأنو كتير مؤرخين بيقولو إنو العرب تركوا الاسلام من زمن معاوية وغيرهم بيقولوا إنو تركوا الاسلام زمن العباسيين وغيرهم بيقولوا إنو تركوا الاسلام زمن الأندلس, وغيرهم بيقولوا انو تركوا الاسلام أيام المماليك, إلخ, يعني انتو أدرى إنو كان العرب أيام الأندلس مشغولين بالطرب والخمر في مجالس الحكم أكتر من الصلاة وجمع الزكاة, ومع ذلك كان العرب وقتها هم بناة الحضارة وهم من حول الاسبان من شعب همجي إلى مركز شعاع علمي.
وبرأي العرب ما تركوا الاسلام, لأنو لو تركوا الاسلام ما كنت لاقيت حدا بالجامع أو على الأقل ما حدا بيتشاهد كل آذان, أو ما لاقينا شي اسمو جماعة الاخوان المسلمين, او حتى بن لادن, ولو إنو انا متحفظ على منهج عملوا فالموضوع هو أكتر من من انو فئة من الناس تركت الدين ولو على حد علمي إنو السوريين مثلاً صار عندهم ردة دينية هائلة بعد نكسة حزيران.
انت حكيت وقلت, مافي بلد عربي إلا وفيو مصيبة, وأخبارنا متصدرة التلفزيونات, والأغرب من هيك إنو مافي مصيبة ببلد عربي إلا وفيها ايد أجنبية, طيب معقول نحن مهمين لهل الدرجة.
تذكر إنو العالم العربي يعتبر من الدول النامية يعني بمصطلح الأجانب مستهلكة, وعنا مصادر ثروة طبيعية ما حدا بيحلم فيها, وإياك تحلم إنو الغرب يخلينا نسيطر على مصادر ثروتنا لأنو بمجرد ما حاول عربي يطلع عن سلطة الغربي كان مصيره الجحيم, الهدف بكل بساطة الابقاء على الدول العربي دول مستهلكة متل دول أمريكا اللاتينية التي أحوالها أبشع من العرب.
والهند تعتبر أقوى قوة ديمقراطية من الدول النامية, وتأكد تماماً إنو يلي عملتوا الهند خلا الغرب يستشيط غضب.
نهاية القول, أنا بفتخر إني عربي ومسلم, وافتخاري هذا ليس من خلال النقاط السوداء القليلة في تاريخنا, إنما من خلال صفحاتنا البيضا الكتيرة.
أكيد الأوضاع بشعة كتير ولا داعي للتفائل, إنما لو كل واحد بلش من نفسو, وعلم حالو يكون متناغم في حياتو, انشاء الله رح نمشي لقدام, ونحن عم نمشي لقدام, بفضل ناس قلائل جداً من العرب, يعني انت قلت, إنو انحذفت الكلمات المسيئة عن العرب بفضل جماعات ضغط عربية, معناتها في ناس عم تشتغل, هي قليلة, بس عم تشتغل.
العرب قبل الاسلام لم يكونوا همج بل كانوا مشتتين وأنا أضيف أن العربي كان ولا زال انسان يرفض الخضوع, ليس لأنه عربي, بل لأنه انسان.
بالتوفيق.