قلب الوطن مجروح لا يحتمل اكتر نهرب وفين حنروح لما الهموم تكتر
نحمى غصون الورد من دمع سال على الخد اه يا حبيبه الروح قلب الوطن مجروح
لو حتى قلى تاه بين الشجن والاه يلى لقاكى حياه انا حبى ليكى صلاه يا مطيرا العصافير رجع الهوى بالخير
لو قلبى حتضميه اديه حنان ودديه دا الصمت مش لينا فين الولد ما يروح لازم يعود اسمر
لو ينطق الموال لازم يروق الحال محتاجه ليا دراع وشراع وراحه بال محتاج ليكى نجوم هأيمه فى حضن هلال
لو بحرنا نسقيه صحيه وبوسى عنيه ياما بكره يسقينا خلى طريق البوح يصبح طريق مرمر
لو حد فاضى وعايز يتفرج على مصر يتفضل
ادخل على اى موقع بحث واختار الصور واكتب مصر واتفرج ياسلام سلام
بجد مصر دى حدوته بس مجروحه ومكبوته حتلاقى كل حاجه من اول خريطه القطر المصرى الى كل ما تشاء صور طغاه حكموا مصر الى ابوالهول ذلك الصامت فى صحراء الجيزه منذ زمن ( وكم بمصر من صامتون ) وصور لعيبه كره قدم وصور بنرات حملات المدونين المختلفه وصور مظاهرات وصور جوامع ومتاحف وشوارع مليانه خلق لا ليها اوا من اخر وصور ناس معرفش مين دول صور اخوان وحزب حاكم صور اسواق ومهرجانات صور لباب الخلق والعتبه وشرم الشيخ وخليج نعمه صورفنانين ومطربين صور واحه سيوه وبحر اسكندريه صور صور صور وفرحت لما لقيت صورتى وصور صحابى ولقيت للعجب صوره علم شبهت عليه لما لقيت عليه نسر ( حد فاكر شكل العلم ) وشفت صور حراميه ماليهم عدد وشفت وشفت وشفت وبعد كل ده قعدت ادور برده على البلد
صور مصر على
صور مصر على
ياهو
وصور مصر على
----------
------
--
انا مش مسؤل لو حد معجبتهوش صوره مصر
محدش يعتب عليا اعتبوا على مصر
4 comments:
اه يا بلد كل حاجة فيكى بتوجع
الصور مهزلة
حبة اثار و حبة كورة حبة مبارك
الله الله
افتكرت فيلم ليلة سقوط بغداد لما حسن حسنى ادى لاحمد عيد شريط فيديو علشان كل ما يحس احباط يشوفوه و قالوه ده فيه انجازاتنا من بعد اكتوبر
ولما فتحوا لقى اهداف مباريات
اه وجعتنى
قصدى مصر وجعتنى
لا وغير كده ياياسو صور تعذيب وصور راقصة وصور فنانين
بجد وجعتني اوووووووي الصور دي يايحيي
يمكن انا ما اتصدمتش
لإني قمت بالتجربة دي قبل كده
وطبعا كانت النتايج على ما أذكر قريبة جدا من اللي انت لقيته
الف لعنة تنزل من المسئولين على اي مصور يصور مصر على حقيقتها
و المعتقل لكل مدون ينقل بحرية ما يحدث حوله
يا قوم نحن نسجل للتاريخ
حسنا البلد حتى لا يلعنكم التاريخ
إرسال تعليق