هل تذكرنى؟؟ .. أنا الظل
منذ فتره ليست بالقصيرة ونوبة قلق تنتابونى من كل شيىء
من نفسى من أشخاصا حولى من أحداث خاصه
قلق ليس لى يد فيه ولا أحد له يد فيه
قلق نابع من حياة لا تمت للحياه بصله
ان تكون بلا شيىء
لا تعرف أين ولما ومتى ستفعهلها
هل تسألنى ما هى التى سافعلها
أقول أنى لا أعرف
ولا أريد أن أعرف
منذ متى وأنا أعرف ما أريده
حتى الذى أريده ويحدث يطغى عليه القلق
قلق من شيىء خافى لا أعرفه
ليس لى فيه يد ولا لأحد فيه يد
لا اعرف لما اتذكر تلك المشاهد القليله السعيده
تماما كما انى لا أعرف لماذا اتذكر أيضا تلك المشاهد الكثيره البائسه
يوما ما كنت أتمنى أن أكون شيىء ما
لم أستطع أن أكون هذا الشيىء
فقط
تمسكت بظله
حتى أصبحت أنا ظله
قلقى جعلنى ظل فى الحياه
لا أحصل على الشيىء كاملا
ولا على جزء منه
فقط أحصل على الظل
لانى فى الأساس
ظل
مجرد ظل
أعبس فى الأشياء كما تعبس بى الحياه
لا اعرف لماذا أعيش
لا أفكر فى شيىء
حياه بلا تسلسل
حياه بلا حياه
مجرد ظل فى الحياه
هل تذكرتنى ؟؟؟ ….. نعم إنه انا
أنا الظل
SAMIR KANDEEL said,
July 22, 2007 @ 1:04 am
حيا لله محمد كيف حالك معلش انا مقصر معاك كتيييير ، بس انت عارف الشغل ، المهم في جمله وحكمه انا بحبها اوي الجمله بتقول دوام الحال من المحال ، والحكمه لايأس مع الحياة ولا حياة مع اليأس ، محمد انظر بداخلك هتلاقي معاني واحاسيس جميله هتمدك بالحياة والحيويه والقدرة علي اثبات الذات . سلامي وفائق احترامي
سمر said,
July 22, 2007 @ 8:38 am
مظنش انك هتلاقى حد فاكرك…
عارف ليه؟
علشان انت عمرك ماكنت مجرد ظل
هنفضل فاكرين البنى ادم مش الظل
الظل طول عمره حاجة مؤقتة…اللى بيفضل البنى ادم
جايز انت شايف نفسك ظل علشان باصص من ناحيتك
حتى الظل لو بصيتله من اتجاه مختلف هتلاقيه حاجة مادية وحقيقية
انت جايز بكون ظل…بس مع الظل ده بنى ادم
هو اللى خلق الظل
الظل فى حد ذاته مش مخلوق..
فى ناس تانية كتير شايفة الانسان الحقيقي..مش مهتمة بالظل بتاعه
انت كمان ماتهتمش بالظل
وشوف اللى اللى سببلك القلق ده..ايه اللى كنت واثق فيه وخذلك وخلاك قلقان من كل حاجة…
البنى ادم مش بيفضل فى اتجاه واحد…لو لقى طريق مسدود بيلف ويبدأ فى غيره..انت كمان ابدأ فى طرق جديدة..ماتحطش نفسك فى صندوق..
وصدقنى عمرك ماهتبدأ وعمرك ماهتبقى حاجة الا اذا فعلا كنت عايز تبدأ وتبقى الحاجة دى
مافيش حاجة بتيجى صدفة..
ومافيش حاجة مابتجيش لو انت عايزها تحصل
خليك بس موجود مع الناس واتكلم..وشوية وقت وهتلاقى كل حاجة بدأت ترجع زى الاول..بس ماتيأسش وتفضل ساكت
مصطفى محمود said,
July 22, 2007 @ 4:13 pm
ابحث عن الحقيقة …اطلبها بقوة ..بكل شجاعة …ستتعذب قليلا ولكنك ستجدها فى نهاية الطريق جلية واضحة ..ربما ستركن الى الراحة عندما تخلد الى قضية تؤمن بها وتدافع عنها .
تحياتى
محمد الطاهر said,
July 22, 2007 @ 5:17 pm
سمير قنديل
اذيك يا باشا عامل ايه
لا ياعم ولا يهمك
والله يا سمير هى مش مسألة حكمة
انا بس كنت عايز افضفض شوية
سمر
مع انى ما اعرفش انك كدا
بس انا مش عارف ارد عليكى
هبقى اقولك ردى بعدين
مصطفى محمود
اممممممممم
هو يمكن انت فهمتنى غلط يا مصطفى
بص
هو انا مش بتكلم عن السياسه ولا عن الافكار
انا بتكلم عن حالتى النفسيه وبس
الشرس said,
July 23, 2007 @ 6:47 am
ليش ما تكتب عن الانترنت الجديد عندكم في مصر ؟
hosam omar said,
July 24, 2007 @ 1:59 pm
فى مصر كلنا ظل متحاطين بالتفاهات بالصعوبات بندخل نفسنا فى حروب تافهة عجيبة ملهاش اى معنى وبنتوة عن هدفنات وبعد سنين بنرجع نفتكر بصراحة احنا عايشين فى بحر وامواجة بتحركنا براحتها واحنا بنحاول نصارع الامواج دى
على فكرة فى الفن والرسم والعمارة الظل الى بيظهر الشكل وروحة ومكوناتة وجمالة
Hassan Arabesc said,
July 30, 2007 @ 12:21 pm
الظل
الظل
هو انا
انا هو
لن نختلف على الترتيب
ولن نختلف في المعنى
ولن نختلف في التسمية
دائماً نلتقى
دائمً نفترق
نلتقى
ظهراً عصراً عشاءً
ليلاً أسفل خيمة سماوية شحيحة الضوء
أو اسفل بقايا ضوء خافت من فانوس قديم في شارع خلفي
الظل انا
انا الظل
هكذا دائما
لم نهتم
بالترتيب
احيانا هو في المقدمة
وكانه يفسح لي طريقي
واحيانا خلفي
كأنه يؤمن لي ظهري
أحيانا بجانبي يرافقنى
يفترش األأرض
أو يرتكن على حائط
أحيانا يفوقني طولاً
وكانه يذكرني بضالتي
واحيانا أقصر مني
وكأنه إعتراف منه بتفوقي عليه في اي شئ
لاأعرف
يذهب عني بالساعات
يظهر ويختفي في لمحات سريعة من الوقت
دائما هو يختار أوقات ذهابه وإيابهِ
لم أساله يوماً
إلى أين وأين يختفي
لا أحاول أن أخنقه بسؤال لن يُجدى معي
فأنا احترم خصوصيته
هو أيضا يبادلنى نفس المنطق
لذلك لم نتعارك يوماً
ولكن لا أدري هل سعيد بصداقتي
لذللك يرافقنى أحيانا
فرفقتي لاتُكلفه شئ
كذلك أنا رفقته لا تُكلفني شئ
وربما لا يُحبُني…يكرهني ؟
فليس دائماً التزامن والرفقة تعني المحية والود
فالسجين لا يحب سجانه
والعبد المقهور لا يحب سيده
هل هو سعيد بتواجده معي
أم تواجده معي على مضض
لا أعلم
هو مُخير أم مُسير مثلي
في تواجدي في هذا الكون
وينتظر رحيلي من هذه الفانية لينقطع
هو الأخر عن هذه المُتعبه والمُجهده والمُقلقه
أحببنا بعض
او كرهنا بعض
تقابلنا
تفارقنا
لايعني لنا شيئاً
ولكننا نحن الأثنين على يقين
انه ظل لكائن جاء من العدم ويفنا ويُبلى
وانا أيضا ظلُ.. ولكن لعظيم
هو الأول والأخر والظاهر والباطن فسُبحان الحي الذى لا يموت
NO-DSL said,
July 31, 2007 @ 2:32 pm
أسئلة للتاج
حملة انترنت بلا حدود : شارك من فضلك جاوب على الاسئلة وانشرها وساهم فى الحملة
انا حفيد المصليحى said,
August 5, 2007 @ 4:12 am
ا مشعوس اعرف حاجة
هل عمى محمد المصليحى شغل اة
shaimaa said,
November 24, 2007 @ 12:03 pm
و الله انت عبرت عن كل شيء انا حاسة بية و عايشاة في هذة القصيدة البائسة اليائسة , ولكن هي دي الحياة او علي الاقل هي دي حياتي
علي العموم القصيدة معبرة عن حالة من اليأس ،يحسها اي انسان عايش في الظروف اللى احنا عايشنها في مصر