أحاسيس زجاجية

الحمدلله محدش فينا مشرك..

أما المشاحن فهو اللي متخانق مع حد ومخاصمه…

وانا زيي زي باقي الناس.. أعمالي في السنة اللي فاتت حترفع الشهر ده.. وزيي زي كتير .. خلطت عملاً صالحاً وآخر سيئاً.. وكلي أمل وعشم في ربنا سبحانه وتعالى انه يغفر لي الليلة دي.. وأحب أنه يدخل عليا شهر رمضان وربنا راضي عني.. وأحب لو كان أجلي حيتكتب الليلة دي وحموت قريب …. إني اموت وانا مسامحة كل الناس وكل الناس مسامحاني..

علشان كدة.. دي رسالة مني لكل حد ممكن أكون زعلته .. بقصد أو بدون قصد.. أو قصرت في حقه عليا.. أو اتعشم فيا وخذلته .. أو زعل مني لسبب انا معرفوش حتى..

من فضلكم
سامحوني……. مكنش قصدي

وأنا عن نفسي سامحت كل من أخطأ في حقي.. أو قصر .. أو خذلني.. بقصد أو بدون قصد.. يغفر الله لكم وهو أرحم الراحمين.. 

والكلام لكل واحد زعلان من حد أو مزعل حد منه.. يا ريت نستسمح بعض .. ونسامح بعض ابتغاءا لوجه الله … نغفر زي ما بنغلط في حق ربنا وهو مالك الملك وملك الملوك ورغم كدة بيغفر لنا… نلتمس لبعض سبعين عذرا.. كلنا بشر… والبشر ضعيف.. خطاء.. كلنا له زلاته اللي يحب لما يغلط الناس تغفرهاله.. يبقى الأولى أنه يبدأ هو بالمغفرة..

هذه التدوينة ادرجت بتاريخ 27 أغسطس 2007 في الساعة 2:59 م ضمن تصنيف فضفضات. يمكنك متابعة أي تعليق من خلال RSS 2.0 خلاصات التعليقات. يمكنك ترك تعليق, أو تعقيب من خلال موقعك الشخصي.