ياريت الواقع أغنية يا حلا...
بتعرفي ايش بحطو فتح لحماس و حماس لفتح ؟

أغنية : " من يوقف حقدا أسود " اللي في يوم من الأيام كانت لاسرائيل !!

إنشالله خير !!

السلام عليكم ورحمة الله وبركاته


يارب

إلى بيتناحروا يا حلا مش الأخوة إلي بيتناحروا الوحوش الي عايشة جواتهم.. الأخوة معنى إنساني و على ما يبدو أن إخوتنا خرجوا منذ زمن عن إنسانيتهم ..

أنا معك أهدي هذه الأغنية لأرواح صادقة قد تكون ما تزال هناك و راء المسوخ التي تتصارع على دمائنا ... فليحفظ الله ما تبقى من أجل فلسطين القادمة بعد أن تنتهي المسرحية الهزلية الدامية...

الرائعة حلا
جزاكم الله خيرا على هذا الطرح ... وبوركت !!! حقا كلمات معبرة !
أسأل الله تعالى أن يرفع عنا الغمة ، وأن يوحد صفوفنا ويثبتنا ويعفو عنا !!!
وأسأله تعالى أن يرينا الحق حقا ويرزقنا اتباعه وأن يرينا الباطل باطلا ويرزقنا اجتنابه !

إذا كان الشىء بالشىء يذكر، فقد ذكرنى مقالك بكارتون للأطفال قامت به إحدى القنوات التليفزيونية التابعة لحماس، حيث صورت حماس فى هيئة الأسد الحمساوى، وفتح فى صورة الفأر الفتحاوى. وطبعا الأسد الحمساوى يتغلب على الفأر الفتحاوى!
هل رأيت خيبة أكبر من هذه الخيبة؟!!
نحن فعلا فى زمن اللا معقول

7ala anna ya a5ee amentu be alsha3ab al mugayad wa al mukabal.

الأخت العزيزة حلا :

أشكرك كثيراً على هذه الأغنية المعبرة بكلماتها المؤثرة .. وأرجو من الله تعالى أن يتأثر بها ويعمل بمعانيها جميع الإخوة بفلسطين ..

اختيار موفق يا حلا ..

بسام البدري

شريفو : مجرد أمل والله!

لطيفة: عن جد يا رب.

سما: مش عارفة لإمتى حتستمر هادي المسرحية.
فعلا اللي بيتناحروا الوحوش اللي فيهم، وبدعو ربنا انه أخوتهم تصحى ويتذكروا انه مش همه الأعداء وانه عدوهم واحد.

دينا: بضم دعائي لدعائك، الله يسمع منا جميعا يا رب.

دودو: شفت الفيديو، كتيييييييير سيء ومو عافرة اذا فعلا حماس أنتجته والا لأ، شي غريب كتير انه يصدر عن حماس هيك شي، انا فعلا متعجبة ومصدومة!

حميدي : هلا والله :)

بسام : كلنا بنتمنى هيك والله.

الاخت حلا اشكرك على هذه القصيدة المعبرة والتي نامل ان يكون لها في الداخل الفلسطيني اما عن كلمة أخ فللاسف جميع العرب والمسلمين يفتقدوا هذه الكلمة العظيمة التي انتهت بأنتهاء الخلفاء الراشدين، ياسيدتي الان استبدلة يادراهمي، عالمنا العربي اصبح فيه الاخ يبيع اخيه بأقل الاسعار وفي بعض الاحيان يبيع اخيه ببلاش.

تحياتي.

"ثائر من الصحراء"

يمكن عشان هيك بحب اتابع مسلسل الاجتياح على ال بي سي لانو بزكرني شوي بفترة ما قبل الاقتتال الدخلي! بزكرني بالقضية!
وبنسيني انو احنا تخطينا جنين وصار عنا قضايا أهم!!!
تحياتي حلا :)

الاخت حلا
ياريت مرمى هالاغنية يوصل
فهو هدف جميل في وحدة الصف لجمع الكلمة
وتمنياتنا ان تعود الامور
لمرحلة التأخي
لعل وعسى

صوتك يصل

ويتحقق الامل

دمتم بخير وتحياتي

وكل عام وانتم بخير

مدون افكار و تحفيز

تيسير نمر

الى القلم العظيم الذي كتب والي القارء والسامع ان ما ترونه اليوم في فلسطين ليس من شيم اهلها ولا هوا منا ولا نحن منه انه دخيل علينا وادعو الله ان تزول الغيمة السوداء قبل فوات الاوان

oceans: لسه في أمل ، الدنيا ما بتخلى وأنا متأكدة انه في ناس كتير لسه بيعرفوا معنى كلمة "أخ". أما عن الناس اللي ضيعوا معناها ، فأنا متأكدة انهم ضيعوا معها أشياء كتير تانية، مو بس على المستوى العام، كمان على مستوى حياتهم الخاصة.
شكرا أخي الثائر.

إيمان: للأسف جديد عرفت عن هاي المسلسل وما حبيت اتابعها من نصها، لأكيد بيعرضوها القنوات التانية بعد رمضان وإن شاء الله بتابعها، بحب أنا هاي المسلسلات كتير لأنها بتحيي القضية بنفوسنا، كنت كتير بحب مسلسل التغريبة الفلسطينية وكان من أروع ما عرض على الشاشة العربية وبتمنى انه مسلسل الاجتياح يكون بنجاحه.
شكرا يا عسل :)

تيسير: شكرا كتير والله يسمع منك ومنا يا رب.

أميره: إحنا كلنا عارفين ومتأكدين من هاد الحكي، تاريخ فلسطين وشعبها البطولي أكبر دليل على انه فلسطين وأهلها مش هيك، واللي بصير كله عبارة عن فتنة، فتنة كبيرة كتير، الله يحمينا ويحمي شعبنا الغالي في فلسطين منها ومن نتائجها والله يعيد المياه إلى مجاريها.
شكرا أميرة.

حلا......
بعتلك مكتوب في اشي بخص الموضوع نفسه.
رح تحتاري تبكي ولا تضحكي عليه

شكرا انس بشوفه اليوم إن شاء الله.

الله يصلح الحالـ .وانشوفـ حماسـ وفتح يداً واحدة .وانشوف العربـ يداً واحدة .برغم من صعوبة انو العرب يرجعو يد وحدة . بس الى عند ربنا مو بعيد ..

اللهم اصلح حال امتنا وانصرنا على اعدائنا ..

والله ما بعرف كيف اوصف شعورى لما سمعتـ ها الاغنية ..

بارك الله فيك اختى حلا ..

دمتى بكل الود والاحترام .

الله يسكع منك يا رب ، شكرا كتير .

أشكرك يا أختي حلا...
بس في واقع احنا كلنا ابنهرب منو.. الي بدها اياه أمريكا و اسرائيل صار.. فرقونا عن بعض جعلونا نقتل بعضنا البعض وهم في أحضان العهر ينامون...

وا أسفااااااااااه

للأسف يا جنين هاد فعلا اللي صار ، لكن الواحد لازم يحاول ويعمل اللي عليه ، ما بصير نضل نتطلع هيك وساكتين.

الله يهديهم ويفرجها على الجميع.

السلام عليكم
بصراحة مدونتك رائعة جدا وحصلى الشرف بمعرفة حضرتك ومدونتك من خلال اللقاء المسجل على اسلام اون لاين الذى كان رائعا أيضا
بالنسبة للانشودة حلوة جدا وتعبر عن الواقع بس اذا تدخل بين الاشقاء حدا غريب هان بتكون المشكلة والمشكلةالاكبر لما الشقيق يتحد مع الغريب ضد شقيقه ويحاول يقاتل شقيقة نيابة عن الغريب ولمصلحة الغريب
أدعوكي لزيارة مدونتى الالكترونية
hamasal3za.blogspot.com

تحياتي
أبو مالك من غزة