السلام عليكم ورحمة الله وبركاته

اختي حلا!
ترى ماهذا الشئ الكبير الذي
دفعك للتعبير عن هذا الشعور الحزين!!

نهاية بلابداية؟
لكن ايمكن!
ممكن..فكل شئ جائز في هذه الحياة
ونهاية قصص قبل ان تبدا حقيقي يحدث من حين لاخر
بل يحدث ان نبكي تلك القصص
التي نامل لو انها حدثت..

اختي حلا
لاخير فيها
ذلك مااقوله لنفسي اذا انتهى امر قبل ان يبدا
وان كان امر غير محبب
احمدالله وبس !

رزقنا الله فضل العشر الاواخر
ان شاء الله

لا يوجد ما يحزنني يا صديقتي اللطيفة ، هي مجرد فكرة مرت بي البارحة ذكرتني بأمور وجعلتني أتخيل وأحلم بأمور أخرى ، وأخرجت هذه الجملة من داخلي.

يسرني مرورك ، وأتمنى أن يمنحنا الله وإياك فضل العشر الأواخر بإذنه تعالى.

مرحبا حلول ..

أولاً أنا كمان بدي دعاء فضل العشر الأواخر متل لطيفة ...

ثانياً كلماتك هاي لا تقل إيحاءً عن كلمات أبو تمام يعني ممكن اليوم و لا بكرة تلاقيني نشرت شي إله علاقة :) بس بصراحة الشي الي خلى الكلام يكون أكثر وقعاً الصورة .. جد أنا لازم أقولك إنك كتير بتكوني موفقة في اختيار الصور في مقالاتك و هذا بيعطيها رونق خاص..

ثالثاً راح أوقف شوي عند ذلك الجزء الذي يبقى في حالة انتظار .. يترك في نفس الواحد منا احساس ملح بالفقد .. شي بضل يمس قلبك ما بيوجع لكنه بيأرق .. كأننا نترك ذلك الجزء من أنفسنا في لحظة في الماضي و مهما مرت عليها الأيام تبقى ترجعنا أمام صورة لم تكتمل .. إذا كانت هذه الكلمات تحاكي الشعور الذي دفعك لكتابة هذا الكلام فسأقول لك أني فعلاً عشت كل كل كلمة منه..

أما رابعاً و هو الأهم ..

فأنا سعيدة جداً بأن الأخ أنس زار مدونتي وإذا كنت أنا قدرت أسلوب تفكيره وتناوله للأشياء فلازم تعرفي إنك إنتي كنت السبب في هالشي لأني حسيت باحترامك إله من خلال ذكرك لاسمه و تعاملك مع كلامه.. والشخص إلي حلا بتحترمه لازم يكون إنسان يستحق كل تقدير و احترام ويستحق كمان إني أسعد بإنه يقرأ لي ..

و لازم تعرفي إنه مدونتك مهمة كتير عندي و فيها تعلمت كيف المدون يفرق بين الناس إلي بتعلق لتثبت وجود والناس إلي بتعلق تتشارك في فكرة أو تضيف لمفهوم أو تدلي برأي أو تساهم بموقف .. و متل ما إنها كانت أحد أهم مصادري للمعرفة في عالم المدونات كمان كانت المكان إلي تعرفت فيه على معظم أصدقائي المهمين (من وجهة نظري) في جيران ..

هذا شي كان بيهمني كتير إني أوضحه :)

صباح الخير حلا
اتمنى ان تكون اخبارك تمام
اما كلماتك فهي تتمثل حكمة خير الكلام ماقل ودلّ
ربما البعض لن يستطيعون ادراك المعنى لكن مع المزيد من التفكير فيها سيجدون ان هناك الكثير بيوميات الحياة نعرف نهايته دون ان نحس ببدايته

وأكثر ما يتبادر الى ذهني هو جدلية الحياة والموت
الميلاد كما هو بداية حياة فهو ايضا نهاية حياة سبقته برحم الام
والموت كما هو نهاية الا انه بداية حياة ابدية

هي كثير من الامور تدفعك للتفكير عميقا وعميقا فتتمثل الحكمة من تلك الكلمات

اسفة يا حلا صار تعليقي اكبر من المقالة نفسها....... ولو تركت لنفسي العنان ربما لن تكفيني صفحات وساعتها لن اعرف كيف بدأت عندما اصل الى النهاية!!!!!!!!!
وسلامات على قلبك الطيب

ير الكلام ما قل و دل... الله يبعتلك قصة بدون نهاية ؛-)

حلا...
مقالك زكرني بمقوله بحبها من زمان:
ان تندم على اشي عملته احسن من ان تندم علا اشي ما عملته.
عشان هيك ازا كان في نهايه لازم تدوري على البدايه لأنها أكيد موجوده.

له يا حلا هيك بعتيني برخيص, بس بردو رح اضلني على باب مدونتك لو شو ما صار.
بالنسبه لسماهر جد كتابتها مميزه و مش سهل ما تترك فيكي اثر.
بشوف على المدونات أشياء خرافيه.بترد الروح للواحد انو لسا في ناس بأوطانا عايشه و مبدعه مع كل الي بصير فينا.

سما : كلامك كتير صح، فعلا بتحسي انه في تركتيه وراك رغم انك ما عيشتيه بس بتضلي حاسه انه راح منك وانه القصة اللي ما بديتيها انتهت!

وبالنسبة لأنس أنا انبسطت كتير انه اندل على مدونتك لأنها فعلا بتستحق القراءة ... بس كنت بنكش مخي شوي "على رأي أخوي" :)

وكتير انبسطت انه مدونتي هيك بتعنيلك، وانها عملت شي مفيد لحد، و مو لأي حد ، لسما :)
وجودك هون دائما بيسعدني يا سوسو :)

منى : أهلا وسهلا فيك وبتعليقك شو ما كان طويل ، بالعكس المقال لما يكون قصير بكون محتاج لتعليقات طويله توضحه .
فعلا كتير من المتناقضات بنلاقيها في مكان واحد او حتى في كلمة وحدة ... زي ما قلتي ... نهاية شيء بتكون بداية شيء تاني.
سلميلي على سامية كتير :)

رشا : اللي يبعتلي قصة إلها بداية بعدين بنفكر في النهاية :-)
أحلى علم مصر ... ما عرفتك :)

أنس: مرات بتكون شايف نقطة البداية بس ما بتقدر عليها!
وعلى فكرة مقولتك هاي تاعة الندم سمعتها أو مرة وانا في الجامعه ولغاية هلأ بحاول أقتنع فيها!

له يا أناناس انا بقدر أبيعك! أنا بس كنت بمزح :) المدونة بدون تعليقاتك بتكون ناقصة والله ، لأنك بتطلع زي الدعاية بنص المسلسل وبتخرب كل البوست اللي كتبته هيهيهيهيهي مزح مزح والله :)

:(
شو جيران مش عازمينا على الفطور السنه.
انا بعد العيد مسافر و المره هاي راح اطول. يعنى الدعايات رح تصير تيجي من بره البلد p:

شعور لم اجربه ..

لكن اتوقعه قاسيا جدا ..

حلا اقرأي ردي عليك بمدونتي حتى ما اعيد وازيد بالحكي هون ..

مشكرره اكيد ..

جملة جميلة جدا و تحمل معان جميلة ... بتعرفي بجد في قصص بحياتنا ما بتلحق تبدا إلا و هيي خالصة
بس ع فكرة الأمل دايما موجود عشان إحنا البشر بنتمسك لو بخيط رفيع من الأمل يمكن يكون وهم .. بس إزا الإشي نحنا بدنا إياه و انتهى فبيضل عنا أمل برجوعه يوما ما ......

هيك عن جد أخجلتم تواضعنا هههههههه

شكراً كتير يا أنس على هالشهادة إلي بعتز فيها ...

أما إنت حلول فما بتتصوري قديش أسعدتيني بكلامك و رأيك في كتاباتي .. بس صار في مشكلة كتير كبيرة .. أنا هيك راح أشوف حالي على خلق الله .. طبعاً .. مش حلا بتقول إنه مدونتي تستحق ههههههه

كتير عجبتني نكشة الراس الجديدة "زي الدعاية بنص المسلسل هههههه" راح تطلع مثل في غزة خلال يومين ههههههههه

جميل هذا الكلام و المعنى العميق ، و لكن فيه شيء من الحزن.

ايتها الجارة حلا

لكل نهاية بداية ولكن بداية جديدة لقصة بحياتنا ستكون مثيرة تطلعي للعلياء وبداية جديدة
اعلم جيداً كيف نكون بإنتظار بداية جدية لقصة انتهت ولكن لاتحلمي بشيء اسمه نهاية احلمي بالبداية

خبر عاجل:
الليلة سيبدأ الاكتتاب في اسهم ليلة القدر ويستمر الاكتتاب حتى اخر ليلة من الشهر فاغتنمو الفرصة لا تفوتكم

السلام عليكم
اعتقد ان اغلب مشاكلنا من الاوهام
ومن الخيالات
ماذا لو
هذابرأيي الشخصي اسوا سؤال يسأله الانسان لنفسه

Sub7an Allah, the human always with hopes extended and a death that coming near

يدك على الجرح تماماً عزيزتي..ما لا أجد له جوابا هو لماذا توحي لنا بأنها ستبدأ ولا تفعل ولماذا تتركنا بعدها في فراغ..من أين يأتينا ذاك الشعور؟؟

من الصعب على روح الذات او الفرد ان تجد ضالتها الا بتفردها وتميزها حول مفهوم الذات لديها والتي لا تقبل ان تتجمد او تتقزم داخل مفهوم مجموعة او مجتمع ,
وعندما ياخذنا التيار معه مبتعدين عن ذاتنا دون أحساس منا تبدا ذاتنا بالانسياق التدريجي نحو رؤى كأنها اصنام سرعان ما تتكسر بلحظة صدمة أو أستيقاظ على خطى الذات .
هي الروح المسكونة فينا ,,, تعاود وتعاود النهوض لتهدم كل الرؤى .
تلك الروح ترسم حقيقتناأمام ناظرنا
بحبكتها وعقدتها فتبدا فرشاة الالوان بخلط امانينا واحلامنا وضحكنا ولهونا وجدنا ونبدا نتراكض خلف الالوان وكانها فراشات حقل .
نجلس عاجزين كعادتنا لتنتهي القصة .

أختي العزيزة حلا
السلام عليكم و رحمة الله

الحمد لله أولا أن هذه الصفحة العزيزة فتحت لي اليوم رغم أنها أسهل مودنة بالنسبة لفتحها و لكن لا أدري فقد هرم حاسوبي هههههههه

و الله يا حلا وضعت يدك على الجرح ، كنت أزور مدونتك و بما أنني لا أفهم كثيرا في اللغة الإنجليزية لم أعلق على المقال القبل هذا و انتظرت حتى تضعي مقالا جديدا و لكن حين قرأت ما خطر ببالك من أفكار وجدت أنك اقتربت كثيرا من نهاية أعانيها قبل ولادتها و ما أقساها فعلا خصوصا قسوتها من جانب انتظار بدايتها

أبدعت يا حلا حقا
أختك سعاد البدري

يا بختك يا حلا إجك التعليق من المطبخ ههههههههههه صحتين

عزيزتى حلا
حقا كلماتك اثرت فى كثيرا
لاننى تعرضت فعلا لموقف انتهى من قبل ان يبدا اصلا ولامور والله يضحك عليها من يعلمها
مشكوره حقا على كلماتك الجميله

عمو حلا
مش بس صحفية
كمان حكيمه

صح لسانك


دمت بخير
وكل عام وأنت بخير

أنس: والله جيران طلعت عالفطور وخلصت فراحت عليك :)
بس لسه شلة الشغل حنطلع نفطر كما مرة الأسبوع الجاي بس هالمرة مو من الشركة ... فتفضل اذا بتحب رغم انك مش معزوم هيهيهي :)
انشالله بتروح وبترجع بالسلامة انت والدعايات :)

أروى : إنشالله ما بتجربيه حبيبتي.

رزان : الغريق بتعلق بقشه ، مش هيك ؟ :)

سما : انا شايفة كل الناس صاروا يحكوا "زي الدعاية في نص المسلسل" صرت ناشراها ؟! :-)

إياد : يعني مش حزن كتير ... حزن شوي :) والله زمان عنك ، نورت :)

nvnoon: فعلا الانسان دائما يحلم في البداية .. لأنه البدايات هي الامل ، رغم انه العبرة في الخواتيم زي ما بيحكوا!

منى : شكرا عالتذكير حبيبتي ، والله يشملنا برحمته وفي بركة هذه الايام الفاضلة.

yawelly: فعلا "ماذا لو" سؤال كتير صعب وغير محبب ومشتت جدا للانسان ، والانسان لازم يكون واقعي وما يغطس كتير في الاحلام اللي ما إلها مرتكزات .
شكرا لمرورك.

عبدالله : هاي طبيعة البشرية .. صح؟!

منال: هاد اللي دايما بدي أفهمه... من وين بيجي شعور الفراغ وانت أصلا ما عشت قصة !!!

wanadoo: إمممممممم بعدين مع كلامك الكبير؟! حبة حبة علينا يا راجل.. عاوزين نفهم :)

سعاد :أحلى مطبخ والله :)
خلص بدي أبطل أكتب انجليزي عشان تقدري تفهمي مقالاتي :)

romanticgirl40004 : كلنا بنمر في هيك مواقف بدون ما نحس ... ما بعرف كيف!

عمو ياسر : يا 10000000000000 أهلا وسهلا والحمدلله على السلامة ونورت المدونة وعن جد اشتقنالك وإنشالله ما عليك شر يا رب. وشو كمان ؟! :)

أنا فهمت موضوعك
وظل عليك انت تفهمي ردي .

لو بدي ابلش حبه حبه
كنت بتمنى اعرف مين الي أخذ الصورة !!!
ومين صاحب فكرة اللوك للصورة !!!!
صحيح ما الهم علاقه مباشره بالموضوع
لكن زمن الصورة وما وراءالرؤى نصوص متشابهه .

الصورة أنا اخدتها من النت وما بعرف لمين هي لكن حبيتها كتير وحسيت فيها كتير عمق وإلها كتير أبعاد وبتشبه كلمات موضوعي ، كأنه خطوط الصورة إلها نفس صوت حروف الموضوع!

أول ما شفت الصورة قلت اللي طلعت معه هاي الصورة أكيد كان بفكر في نفس هاي الكلمات!

رائع حلا ,,,
بدات ملامح البداية تتوشح بالالوان
غدا ستفيقين على أفق جديد.
قد تشعري بالغربة من الرؤى ,
لكنها عودة للذات , لملامح حزن
او فرح طفولي ,,, تقاسيم تركت في جوفها
حكايا كثيرة .
وقد نتخيل البداية على مسافة شاسعة منا ظناً منا انها خارج أطار زمن النص
بلا بداية او نهاية .
كثير من الاحيان تبتدىء القصص دون وعي منا .وقد تكون البداية على شكل صورة .

عل فكرة أنس ... مش لابقلك علم السعودية :)

wanadoo: في قصص بتبدأ وإحنا مو واعيين وبتنتهي وإحنا مو واعيين كمان...
ولما تنتهي بنسأل حالنا ... وين كنا لما صار معنا كل هاد؟!!!!

السلام عليكم

كلمات مع الصورة ..احساس رهيب ومشاعر دفينة

دمتى بخير

م/ مهندس مختار عمر

صديقتى حلا

اعذرينى لغيابى الطويل عن التعليق

فى مقالاتك الجميلة ولكنى عدت وجدتك الافضل

تقبلى تحياتى

م/مختار عمر

شكرا مختار :)