الاسم: كامل النصيرات 
...
حَدَثَ في القمّة العربيّة السرّيّة
تداعى حكّام العرب إلى قمّة سريّة لم يعلم بها أحد سواهم ؛ على إثر مجزرة قانا ..فوضعهم في الشارع صار على كفّ عفريت ..حتى يقال بأن العفريت قرف من هالشغلة ؛ طول الليل والنهار ماد كفّه وحاط الوضع عليه.. وممكن بأي لحظة يسحب كفّه من تحت الوضع لأن الوضع مِشْ مزبوط.. وإذا صار العفريت ساحب كفّه رَحْ تصير الأمور ( ليخة ) ..!!
قال حاكم : المجزرة دليل إفلاس إسرائيل العسكري ..!! ردّ عليه حاكم آخر : ما شاء الله عليك يا أخوي ..اسم الله عليك وحواليك ؛ طيّب ما إحنا عارفين ..!! ردح آخر : اسمعوا مِشْ جايين تشبعونا حكي ؛ ترى مرارة الواحد فاقعة من هالسوالف ..!! اعترض حاكم : ولكو وبعدين معكو ..بدنا نتفاهم الوضع أخطر مما تتصوّروا ..!! وهكذا ..الصوت يعلو وما حدا فاهم على حدا ..إلى أن فُتِح الباب فجأة ..ودخل حاكم كان مُتأخِّراً عن الاجتماع ..وقال : إللي عندو كلمة يظبها ..إنتو عارفين ليش إحنا مجتمعين ..؟؟ فردّ الجميع : إحنا جينا بعزومة مش حيالله ..!! فقال الحاكم إللي دخل آخر واحد : إحنا إنْضحك علينا يا اخوان..إحنا زعماء الأمّة بنطلع مضاحك ..ومن مين؟؟ من إللي فكّرناهم أصدقاءنا ..!! صرخ حاكم : يا عمّي ما تفهمنا الموضوع بدل ما تشبرح علينا بكلام ما إحنا فاهمين أساسه من راسه ..!! فردّ عليه : انضحك علينا ..لأن إسرائيل طلعت ما بتخوِّف زي ما فهّمونا ..إسرائيل طلعت ولا حاجة ..وإحنا إللي ضحكنا على شعوبنا باسطوانة إسرائيل ..حزب واحد هزمها ..وخلاّها تكاكي ..إيش بدنا نحكي لشعوبنا بعد ما انكشفنا ..ستين سنة على إسرائيل ؛ لعنا أبو تميس الشعب ..الأرض بتنقص كل يوم حطيناها بظهر اسرائيل ..الضرايب كل يوم تزيد حطيناها برضو بظهر اسرائيل ..فتحنا سجون باسم اسرائيل ..وبالمحصلة ..القصّة إنتو فاهمينها لا نتخوّث على بعض ..حافظنا على كراسينا وكلّو باسم اسرائيل ..واسرائيل هسّة طلعت خايخة لحالها ..بدنا حل ..حتى ما نطير ولا تتكسّر كراسينا فوق راسنا..؟؟!!
ذُهل الحكّام من هذا الكلام ولكنهم أجمعوا على أنه صحيح ..وأن إسرائيل وهم عربي كبير ..وعشان هيك أجمعوا على أنهم يجب أن يبدأوا مرحلة جديدة ..هي مرحلة ( ما بعد إسرائيل ) ..وأن يزفّوا للشعوب العربي بشارتين حقيقيّتين..البُشرى الأولى إنتهاء اسرائيل رسميّاً ..والبُشرى الثانية توصلهم إلى اختراع عربي جديد اسمه ( إسرائيل الثانية ) ..!! ويا دار ما دَخَلِكْ شرّ ..إلاّ الحاكم وإسرائيل ..!!
...
كتبها كامل النصيرات في 02:46 صباحاً ::
17 تعليق
في01,آب,2006 - 04:41 صباحاً, أحمد الضبع كتبها ...
azraeel arham men esraeel tany ya kamel
في01,آب,2006 - 04:54 صباحاً, samia faris كتبها ...
صباح الخير يااااااااااااا كامل سلم قلمك جبت الفايد ه من الاخر وبكلمتين .......اسرائيل التانيه ........حتى نحط كلل العلل الشرعيه عليها! هي سبب الفقر كله ! المجهود الحربي والاستعداد للعدو .شافط كل ثرواتنا وماخر تقدمنا.......ويفضل التخلف والجهل والمرض والناس المهمشه بعيدا عن العاصمه اللعوب .......ويفضل المواطن شايف البصقه شلن ........ ومفيش شي اكبر من الرغيف ! واسرائيل اتدمر وبترولنا يعمر ! وهكذا دواليك حتى يقصف الله عمر واحد فيهم ! بس بعد ما يتختخ عمر وقياده ! ياااااااااااكامل هيك ختم بدو هيك قياده ونقطه............
في01,آب,2006 - 04:54 صباحاً, عبد الحق هقي كتبها ...
بالفعل أخي هذا هو الوضع العربي على حقيقته ؛ شاكرا لك لغتك الساخرة الصريحة . وفقك الله .
في01,آب,2006 - 05:01 صباحاً, samia faris كتبها ...
هاي الردود مشفره يا كامل .........بتعرف ليش؟
في01,آب,2006 - 05:41 صباحاً, osama sh3rawi كتبها ...
صح ...الله يستر ؛-(
في01,آب,2006 - 05:42 صباحاً, osama sh3rawi كتبها ...
theres sth error in your page mr.kamel !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
في01,آب,2006 - 06:05 صباحاً, عبدالله ابراهيم كتبها ...
يبدو انك تجاوزت الحدود هذه المرة ....فحب الجماعة يأدبوك
في01,آب,2006 - 06:08 صباحاً, عبدالله ابراهيم كتبها ...
dear kamel it seems to be ther is something gone wrong in this site pleasew try to fix it as soon as u can so we can discues your great artical ????
في01,آب,2006 - 07:10 صباحاً, مجهول كتبها ...
www.vital-edition.com read American Theocracy
في01,آب,2006 - 07:53 صباحاً, not technical issue كتبها ...
i think the intenllegenc department in the arabic countries have been interfering in this blogs , you can see it also in Mr. Ziad Abu Ghanmeh blog in Makttob... Mabrouk to the arab people who participate in this blogs with thier opinions , you have made these people afraid of your opinions...
في01,آب,2006 - 08:28 صباحاً, مازن شما كتبها ...
أخي كامل صباح الخير ..
في01,آب,2006 - 08:34 صباحاً, مازن شما كتبها ...
أخي كامل صباح الخير .. الحمد لله انحلت المشكلة اخيرا ..صار الواحد يكتب عربي مش حجابات وطلاسم..اسرائيل شماعة الوهم العربي..وانت والصادق كان في قرار سري من بعضهم ومن وراء البعض الاخر ..انو يحاولوا يدعموا اسرائيل بركي بتقدر تعيد لهم شوية هيبة ..لانو تأكد انو عم تصلهم اسلحة من مخازن موجودة عندهم ..مخبينها لوقت الحاجة وهو في حاجة اكثر من هيك..تأكـد انوا اسرائيل في وراها رجال عرب بشنبات..اخوك مازن
في01,آب,2006 - 08:45 صباحاً, ismet alosmany كتبها ...
مسكينة اسرائيل ؟؟؟؟!!!!
في01,آب,2006 - 10:54 صباحاً, المصطفى اسعد كتبها ...
كتاباتك يا أخي ساخرة ولكنها كالكتيوشا وإنك دائما تفرحنا بها بارك الله فيك واصل نضالك وأتمنى أن تطلع على مدونتي ونبقى دائما على تواصل
في01,آب,2006 - 12:39 مساءً, حاج سليمان كتبها ...
كلام جميل سيدي لكن هل تستطيع أن تتصور كيف يكون حال العرب بعد شهر من الآن نسأل الله اللطف والعافية ؟
في02,آب,2006 - 05:40 صباحاً, فراس أبو هلال كتبها ...
الخبز عليه علامة اسرائيل ، المسجد والخمارة والصندوق القومي لتحرير القدس بداخلهل اسرائيل!!
في06,حزيران,2007 - 04:57 مساءً, rouani كتبها ... (غير موثّق)
أولا صديقي كمال ليس للعرب على الأقل في الوقت الراهن أي خيار ولا حتى كلام عن مصير إسرائيل لأن وجودها أصبح مرتبطا بمصالح العرب البرصويون والإقليميون أصحاب الثروة القادرون على محي ذاكرتهم من ذكرى غزوة أو نكسة ربما لشعوبنا طموحات .. تحرير القدس وطرد المحتل لاكن بأي سلاح يا صديقي الفقر وفتنة الطوائف وحكامنا العرب يحمون إسرائيل أكثر من نفسها أنظر ماذا يجري في العراق عوض أن يحاربو العدو المحتل حاربوا المدنيين العراقيين وأحرقو مساجدهم إن ما يقع في العراق اليوم ليس فقط إحتلال غربيا فقط بل إستوطان شيعي صوفي تقوده فرق الغدر الصدرية أو ماذا فعلت فتح بحماس هي تحارب إسرائيل وفتح تحارب حماس المجاهدون لا يجب أن نلوم إسرائيل هي تحاربا ونحن نحارب بعضنا