أحاسيس زجاجية

التعليقات 8 على “ما بين حرية الاختلاف في الرأي .. وأدب الخلاف”

1. عصفور المدينة علق:
   2 يناير 2008 في الساعة 7:11 م

   كنت أجهز لتدوينة حول موضوع شبيه والحمد لله أنني لست وحدي

2. سنمار علق:
   3 يناير 2008 في الساعة 12:07 ص

   موضوع جميل وشيق,
   وربما نحتاج الى التدريب اكثر من احتياجنا للمعلومة, بمعى ان الجميع يعلم نظرية تقبل الآخر, لكن في الممارسة وبصورة تلقائية يتم تجاوز هذا المبدأ من بعض من يؤمنون به. وقد دربت نفسي على ذلك دون ان يشعر المناقشين بي, والحمد لله, استطيع أن اقول اني تحسنت.

   أين صفحة من أنا, بحثت عنها ولم اجدها, لا تنساها فهي عنصر رئيسي في كل مدونة.

   دمت باحسن حال.

3. ابن حجر العسقلانى علق:
   3 يناير 2008 في الساعة 6:41 ص

   و الله عندك حق

   أنا فى مرة دخلت على مدونة صاحبها ليه توجه إسلامى .. و كان عنوان المقال اللى كاتبه حاجة برضه ليها علاقة باحترام الآخر و أدب الخلاف و ما شابه .. أنا قلت صاحب المدونة بالتأكيد هايتكلم عن ازاى الإسلام بينظم عملية التحاور و كيفية احترام الآخر .. و قلت إنه هايجيب كلام معروف و مكرر .. لكن ممكن يكون مفيد من قبيل التذكرة

   لكن بصراحة صاحب المدونة خيب ظنى .. و اتكلم تقريبا عن إن الاختلاف فى الرأى لو فى أمور دينية (و كل حاجة تقريبا عنده هى أمور دينية) يبقى رأى صاحب المدونة و مذهبه هو الصواب و غيره خطأ .. و لازم “غيره” يهتدى و يرجع لطريق الحق و الصواب اللى عليه صاحب المدونة .. لأن الشيوخ اللى بيقولوا برأى غير رأيه يبقوا شيوخ خرب الغرب أفكارهم

   يعنى تقريبا صاحبنا دة أغلق باب المناقشة قبل أن يفتح

   يعنى .. وجعت دماغك … لكن الشىء بالشىء يذكر

4. إسلامي علق:
   3 يناير 2008 في الساعة 6:02 م

   عصفور المدينة

   تأكد انك لست وحدك …
   ربنا يصلح أحوالنا

    

   أسعدني وجودك في مدونتي

5. إسلامي علق:
   3 يناير 2008 في الساعة 6:03 م

   سنمار

   تعرف حضرتك لو كل اللي بيتكلموا كدة اعترفوا امام انفسهم فقط على الاقل انهم بالفعل يحتاجون للتدريب على تطبيق ما يؤمنون به من نظريات… وبدأوا ف يالتحسن زي ما حضرتك عملت.. كان بقى حالنا أحسن بكتير

   الله المستعان

   اتشرفت بمرور حضرتك

6. إسلامي علق:
   3 يناير 2008 في الساعة 6:07 م

   إبن حجر العسقلاني

   تعرف حضرتك ان فعلا احنا بنعاني من هذه المشكلة للأسف بين المتدينين بشكل اكثر وضوح خصوصا لما يتفتح نقاش حول أمر مختلف عليه بين العلماء اصلا..

   غالبا غالبا لما بيحصل نقاش بين أي طرفين حول أمر ديني من الأمور المختلف حولها.. لا يسلم الطرفين من الوقوع في نفس الخطأ .. الطرف الي بياخد بالأحوط بيتهم الطرف الأخر بالتسيب والتفريط والترخص … أما الطرف الآخر اللي بياخد بالرأي الأيسر فلا يسلم حديثه من اتهامات أخرى زي التشدد والتخلف والرجعية وضيق الأفق وتقفيل المخ ..

   في وسط النقاش الحاد بينسى كلا الطرفين أنه كل من الرأيين قاله فريق من العلماء.. وكلهم على راسنا من فوق..

   وبينسى برضه كلا الطرفين ان من حق كل طرف انه ياخد باللي يتناسب مع شخصيته وفهمه وطبيعته وبيئته وظروفه..

   وبينسى برضه الطرفين انه مش ضروري ابدا ان واحد فيهم يقنع التاني.. كفاية قوي اني أوصل له وجهة نظري واوصل له في نفس الوقت اني متقبل جدا انه يقتنع بوجهة النظر الأخرى طالما كل منا شايف انه على الحق ..

   ربنا يهدينا ويفهمنا يارب

   نورتنى حضرتك

7. Ahmed Nasr علق:
   13 يناير 2008 في الساعة 3:41 م

   ممممم..شوفي يا أخت اسلامي، بصراحة أنا مش شايف الطرفين وقعوا في خطأ بقدر ما محللي هذه الحوارات ما بيقعوا في خطأ آخر تماما

   في فرق دلوقتي بين بعض المفاهيم، عندك الحزمة دي مثلا:
   1- حرية الخلاف..
   2- أدب الخلاف..
   3- رحابة الصدر..

   مش بالضرورة اني عشان أكون مؤمن بحق الخلاف بحرية (1)، اني لازم أختلف بأدب (2)، قصدي مثلا يعني وإلا فربنا يجعلنا من المؤدبين ..لكن باقول انه لا تتنافى حرية الرأي مثلا، مع اني يكون رأيي المعلن في هذا الرأي انه غبي أو متهافت أو ملوش لازمة في الحياة، مثلا..

   ونفس الشئ بخصوص رحابة الصدر، كوني أغلق النقاش مثلا بخصوص أمر، بشرط انه يكون هذا القرار متعلق بي وحدي، ده شئ يعني مثلا اني ضيق الأفق أو لا أتمتع برحابة الصدر، لكن لا يعني بالضرورة اني لا أحترم حرية الخلاف..

   امتى أبقى لا أحترم حرية الخلاف؟..ده لما أسعى لإرهاب المختلفين معي فكريا وقمعهم ومنعهم من التصريح بأفكارهم بالقوة..لما تبقى في إيدي سلطة مثلا وماخليش حد يعارضني..أو سلاح وأهدد بيه..

   فيعني حتى بين أصحاب المذاهب، فلان حر في اعتباره لموقفه في مسألة صحيح، في حين الطرف الآخر حر في اعتبارها بدعة محرمة، شخصيا أنا شايف انه حر حتى في تكفير مخالفه (طبعا ويتحمل مسؤولية قوله أمام الله) مالم يرفق التكفير مثلا بتحريض على القتل أو ما شابه..

8. ryham علق:
   20 مارس 2008 في الساعة 6:38 ص

   إسلامى..
   شفت بعينى ما حدش قاللى يا أمى ..
   أحمد نصر: أنا مش فاهمة حاجة !!
   تحياتى المتأخرة على مدونتك (وردة)

أضف تعليقاً