كُتب في يوم: March 23, 2008 التصنيف: برهوم ـــيات
الويكند هذا كنت في ديرتي الثانيه ” الكويت ”
والجو كان جداً بديع, وأنا أعتبره خيالي,
لأن في الفتره الأخيره كانت أجواء الكويت مابين غبار وشمس او برد و عج ( العج مرحله متقدمه من الغبار 
)
وخصوصاً يوم الجمعه في الليل , طلعت مع الحجيه اللي ماحجت للحين , وقعدنا في مجمع الكوت ,
وخذينا كوفي يقند الراس , والهواء العليل يجيك من البحر , والنافوره قدامك , وش عاد أبي بعد !!!
يالله الجنه
أخواني , وخاصه المتزوجين , احرصو على الطلعه العائليه , واختارو الأماكن المناسبه لكم سواء مجمع , بحر , بر , مخطط 
أي مكان ترتاحون فيه , ترى الأجواء متوتره , والعالم قاعده تعيش ضغط ماهي منتبهه له
مابين امور سياسيه , وأمور داخليه , وأمور ماليه خصوصاً مع إرتفاع الأسعار وتجاهل الحكومه لهذه الأشياء , حسينا بنوع من الإحباط من الحياه ومن الأيام الجايه
ولحد يقول لي ماني فاضي, ولا انت مروق , ولا حنا نبي الفكه من حريمنا وانت تقولنا اطلعو معهم…
أدري ان الحريم يرفعون الضغط ( خربها في الأخير )
بس من أجل عين تكرم مدينه , من أجل الأسره والبيت الصالح اللي بيطلع لنا مجتمع نفتخر فيه … مجتمع هادي ومتربي في وسط بيت نفوسهم طيبه ومتحابه…
لازم نطلع ونهدي النفوس ونخلي الأجواء أكثر موده … ولا تخلون العيال في البيت … خذوهم معكم
وهذي الطلعات اللي تكون من فتره الى فتره من دورها إنها تهدي النفوس وتعطي الحيويه للحياه..
وهذي النافوره المجاوره للجلسه وتكون مرافقه للموسيقى … لكن الصوت ماطلع بالمقطع
29 تعليق على ' الله الله ياكويت '
-
الله يهنيك ..
وإن شاء الله دوم السعادة تغمركم ..
بس ليش الكاس اللي على اليمين أطول من اللي على اليسار :dشكراً أبو خليل
بواسطة: الخلوق في تاريخ March 23, 2008 الساعة 1:10pm
-
لأني كنت جالس على اليمين :p
يحيى … الحين الحريم بيقولون نبي المساواه في طول الكاسات
اللي على اليمين كآس الكافي لاتيه … واللي على اليسار كابتشينو
الكلام مو ليه كاس أطول من كاس … الكلام قول وين الصنيه والسكر والمناديل؟؟
بواسطة: ابراهيم في تاريخ March 23, 2008 الساعة 1:19pm
-
والله انا شايفة ان الكاسات قد بعض بس كأن الطاولة مايلة يمين شوي…
و حمد لله ع السلامةبواسطة: Amal في تاريخ March 23, 2008 الساعة 1:52pm
-
يعني هذي عملة تعملها فينا واحنا غاطسين بالاختبارات
،،
توصف لنا هالأوصاف وحاط فيديو نكاية زيادة ،،
الله يسامحك بس ،،سعيد دوماً بإذن الله ،،
بواسطة: عبد المجيد في تاريخ March 23, 2008 الساعة 2:42pm
-
الله يديم المحبة بينكم يارب
بس من جد تراك خربتها مره
“أدري إن الحريم يرفعون الضغط” (ترى كلمة حريم هي إلى ترفع ضغطي مافي شي باللغة أسمه حريم )
بعدين كأن الطلعة صارت واجب فدائي في سبيل الوطن والمجتمع !!!
الله يسعدكم ويرزقكم بالذرية الصالحة أن شاء الله .
بواسطة: JUST HOPE في تاريخ March 23, 2008 الساعة 5:00pm
-
يا عيني عليك
انا اشهد انك رايقاحب البسطة والاجواء الجميلة الرايقة ، والكويت بلد جميل ويستاهل كل خير
بواسطة: محمد الشهري في تاريخ March 23, 2008 الساعة 5:32pm
-
الحمد لله على السلامة .. أخوي إبراهيم ..
كان في بالي أطلع للكويت الويك إن الماضي .. بس أنشغلت و أجلت الفكرة ..
الله يديم السعادة عليك أخوي ..
بواسطة: عبدالله القحطاني في تاريخ March 23, 2008 الساعة 6:06pm
-
و الله الواحد فعلاً يحتاج ياخذ راحة من كل شي !!
ضغوطات الحياة تقصر العمر !
الله يهنيك بـ الكويت الحبيبة (f)
بواسطة: محمد المغلوث في تاريخ March 23, 2008 الساعة 7:01pm
-
شكلها الجلسه كانت مررره خطيره بس اتوقع ناقصها شيشه
بواسطة: طير يرقص من شده الالم في تاريخ March 23, 2008 الساعة 7:40pm
-
ابراهيم
كوبك الاكبر؟ حريم يرفعون الضغط؟
معليش اكلم المعزبة ابي اقولها كلمة راس؟؟ (لوووول)الله يبسطك ويبارك لك.. ويعطيك الذرية الصالحة..
نفسي اروح الكويت
في الطلعة الجاية خذوني معكم هههههههههه
اهدي نفسي واعطي حيوية لحياتي … تشكـــر ع البوست المفعم بالحياة
بواسطة: devotion في تاريخ March 23, 2008 الساعة 7:57pm
-
ماشاء الله عليكم ياهل الشرقية
كل ديرة قريبة من عندكم .. زرقة ولاك واصل البحرين .. زرقتين ولاك في الكويت .. ثلاث زرقات لقطر و الامارات بس الجلسة شكلها شاعرية :)… الله يهنيكم دوم ..
بواسطة: كارلوس تميم في تاريخ March 23, 2008 الساعة 9:27pm
-
الله يسعدك يارب العالمين ويحقق لك كل ما تتمنى
والان مع ارتفاع درجة حرارة الجو ، كل الناس متكهربين …!!!هذا البوست لازم تعزم (محمد بن سالم ) يقراه
هههههههههههههه
مساكين الحريم والله
كاسرين خاطري ومتعاطفة معاهم >> وانتي وش ؟
انا الانسة مضيعه
ابراهيم نكون واقعين ، انتم دائما مشغولين .. ماتودون ولا تجيبون المفروض يكون اوقات مخصصة للعائلة تودونهم وتجيبونهم
.. على شان ماتقول ودوني وجيبوني ، اذا انت ماتلبي الطلبات مين يلبي الطالبات بيت الجيران :|.. ومو كل الوقت للاصدقاء ونترك العائلة >> الكلام للكل مو حق ابراهيم .. >>>> واللى على راسة بطحة يتحسسها .. نشكر المملكة العربية السعودية انها سكرة كل الاماكن على الشباب وخلتها للعائلات على شان لازم تطلع عائلتك
عاشت عاشت بيلادي
بواسطة: مضيعه بيتهم في تاريخ March 23, 2008 الساعة 9:29pm
-
والله المكان رايق, الله يخلف علينا في السعودية,
يبي لي أزوره الصيف الجاي بعد ما أعرض ^_^
بواسطة: Saudi Wanderer في تاريخ March 23, 2008 الساعة 10:19pm
-
بالفعل الكويت حلوة ورايقة …
في أول زيارة لي للكويت تعشيت في المجمع هذا … ومع النافورة والموسيقى المتزامنة معاها كان الجو خيال
بواسطة: طلآل في تاريخ March 24, 2008 الساعة 3:55am
-
الحمدلله على السلامة يا حاج ابراهيم
( قولي انك ما حجيت بعد ) سأحرص أن أزور الكويت، وأرغب بزيارة البحرين أيضا،،،،
أما انت فلا تنسى زيارتنا في الإمارات
بواسطة: عابر سبيل في تاريخ March 24, 2008 الساعة 5:04am
-
عندك حق الصراحة يا إبراهيم
لابد من هذه النزهات الترفيهية من وقت ﻵخر
تفرق بشكل كبير جدا الحقيقةحمد الله على السلامة
بواسطة: مصطفى حسان في تاريخ March 24, 2008 الساعة 7:52am
-
الله الله يارومنسي …
من عقب طرد سيارات الفليت صرنا نجلس عند نافورات موسيقيه
(هذي النافوره هي الي فيديو كليب محمد عبده_الأماكن_ ولا لا؟؟)
والله يدوم عليك السعاده دنيا وآخره يارومنسي
بواسطة: نور الظلام في تاريخ March 24, 2008 الساعة 9:30am
-
والله ما عرفتك يا ابراهيم
ايش الرومنسية هذه ؟؟؟
والله كلام كبيييير
ايوة ايوة اطلع وبيّن على حقيقتك …. والله بيطلع منك رومنسية و أجواء ناعمة
الله يسعدك يا برهوم
بالنسبة لي جدة فيها كل الحكي اللي بالكويت وكمان اقرب لي من الكويتتحياتي و تقديري
بواسطة: سامي منصور في تاريخ March 24, 2008 الساعة 10:52am
-
عبد المجيد : الله ييسر لك ان شاء الله ,, وبالتوفيق يابو عابد
————————
Amal : انتي خلي الكاسات الحين وقولي لي وش رايك في الموضوع
————————
JUST HOPE : هذا مايسمونه تمصيخ … هذا يسمونه تحرش : )
وأنا يا أمل ما أقصد فيه انه يكون فداء للوطن , انا اقصد اني ابين أهمية هذي الطلعات واهمية البيئه الصالحه للأبناء ,, وحنا بالأخير كلنا يهمنا الوطن
————————
محمد الشهري : هلا أبو حميد , وياحواجبي عليك بعد
, والكويت تستاهل————————
عبدالله القحطاني : هلا أبو عابد , ولا تفوت المحل اللي بالصوره
————————
محمد المغلوث : صادق, والمشكله ان البعض يتعود على هذي الضغوطات ويدمنها بعد
————————
طير يرقص من شده الالم : الله يهديك , انا طالع مع ابو جندول وعبود الأقرع؟ أنا طالع مع مراتي ياخويا … بس تصدق أقدر ريحة الشيشه أنا , يعني احرص اني اقعد في محل فيه واحد يعسل
————————-
-
devotion : لا مايحتاج تكلمينها , تلقينها بعد شوي تآخذ لها لفه في الموقع ,,
وجد الكويت حلوه خاصه في هذا الوقت, ولا في الصيف ماتسوى أبد, إلا ان كانك تبين تضعفين.
—————————
عاشه : والله ييزاك بمثله, ولاتهون الإمارات
—————————-
كارلوس تميم : أقول ماودك تسيير على الشرقيه؟
—————————-
مضيعه بيتهم : ايه والله انتي مالك دخل ابد بالحريم هههههه
وصادقه والله, اذا الواحد مايبي يودي اهله ويجيبهم , من ييوديهم؟
والله يوفقك وتفكين اهلك من شرك
—————————
Saudi Wanderer : الصيف الجاي بتعرض؟؟ العالم تطول وانت تعرض؟ سبحان الله
جد ترى الكويت تطورت كثير بالفتره اللي فاتت , وتصلح لتغيير الجو
———————–طلآل : قول انك بعد شربت من نفسي الكوفي !!! عندكم في امريكا كذا ؟ اتحداك
—————————–
عابر سبيل : انت سمعت المثل اللي يقولك : لاتدل البدوي على باب بيتك ؟ مانسيت العزيمه لا تخاف , جايك جايك , بس خلها لوقتها
——————————
مصطفى حسان : يعطيك العافيه يابو حسان , واتمنى لك حياه سعيده
——————————
-
نور الظلام : ههههههههههههههههههههههههههههههههههههههههههههههههههههههههه
نسنينا سالفة الخشم وحمد !!!
من اللي انكسر خشمه ؟ …. قولي بعد منكسر بسبب البركه
يابن الحلال يازينها ذيك الأيام …. طردي وراا الفليت ونتعلق بوايت المويه ونسرق سيارة البلديه
وبعدين وش فيكم على سالفة الرومنسي
ترى كلها كوفي شوب …. أجل لو رايح جزيره وحاط ورده على اذني وش بصير؟؟ أفلاطون؟
هههههههه
————————–
سامي منصور : ماشفتني وانا أعزف عود بعد … تبكي
هههههههههه
الله ييسر لك وياحبي لجده
-
ههههههههههههه
يا أخي خطأ كيبوردي ^_^
أقصد ((أعرس))
-
اي والله ياابراهيم وين الومانسيه الزايده على قولتك . بس هذي الصوره الرجال ارسموها على انفسهم مااقصد انت ولا ابو اعيالي .. الطلعات مع الاهل نادره ولا ايام خطوبه ولا مع خويته خوا بطن…. ولا بلاش. بس على فكره انا اقدر الجلسات العائليه في البيت شوي وغيره لاني انخنق من العبايه لاتفهم غلط العبايه تاج راسي.. الله يدوم عليك الوناسه .
بواسطة: اخت رجال في تاريخ March 25, 2008 الساعة 7:29am
-
أجل مرة ثانية راسلني لنلتقي معك
لكني عزابي ماعندي طويلة العمر
بواسطة: باغي الشهادة في تاريخ March 25, 2008 الساعة 9:00am
-
الله الله كناري : ) !!
هي كثروا من هاي الطلعات الحلوة ..!!
صدق تولهنا على الكويت ..!!
بواسطة: DUBAI في تاريخ March 25, 2008 الساعة 8:18pm
-
وناااااااااااااااااااااسه
الله يهنيك….ودى الكل يعرف ان
الوناسه
اذا ماكانت من النفس من داخل
لاالمكان ولا اى شي
اييب الوناسه بواسطة: star في تاريخ March 25, 2008 الساعة 10:57pm
-
اخت رجال: هلا والله يام عبدالعزيز
… بالنسبه لي هذي شئ طبيعي ومن الواجبات بعد , بس الرومنسيه والسوالف هذي لازم تكون مع كرفته ووزار ( طقوس خاصه ) هههههههو على قولتك القصد الجمعه واللمه , وين ماكانت , بس أنا أفضل تكون برى البيت علشان ينسون مشاغلهم , ويغيرون جو …… واقول يازين طلعاتنا على رووس الطعوس وبس , بس بدون شوي ههههههه
————————————-
باغي الشهاده : ننشرف طال عمرك
————————————-
DUBAI : ماقد شفتيني أغرد ؟ مصيبه …. هههههه
————————————-
ستار : ياسلام عليك , الوناسه لازم تكون من الداخل , ومو المحل اللي يجيبها , ان شاء الله لو في سطح البيت , بس أهم شئ يكون مرتاح من داخله
بواسطة:
اكتب تعليق
مرحبا بك عند I B R A H I M
كن صديـقا للحـــــياة و اجعل الإيمان راية وامض حرا في ثبات إنها كل الـــــحكاية
مشــاريع
الاشتراك
يمكنك متابعة مدونتي عن طريق الإيميل
أو عن طريق خدمة الأر إس إس
المواضيع RSS
إضافة تعليق