I B R A H I M

نفق الدمام صار متحف اثري ، كل الناس تيجي تبي تتفرج وتسئل عن هالنفق >> فشلة ..

اجل بدل الاسمنت يحطون طحين اقول انا لية طاح الجسر ..

اقول انا لية كل المشاريع حقتنا فاشلة طلع نفس المخ اللى يشتغل >> الله يرحمنا برحمته يارب

وه يا ابراهيم ما سمعت عن حمى الواسطات? أو بالأصح فيتامين واو?
هدا الله يسلمك يخلي اللي متخرج من الابتدائية (محو الأمية) يصير وزير أو أقل شي وكيل وزارة في غمضة عين مجرد ما ان اسم قبيلته تشفع له عند اللي فوق قبيلته!!
إذا كنتوا تشتكوا في الشرقية من ( الدرباس ) فمكة بتشتكي من شركة بن لادن كلهم على نفس المنوال!!
المشكلة يا ابراهيم انه المقاول فيهم ياخد فلوسه كاملة ويجلس أضعاف المدة المطلوبة على ما ينفذ المشروع.. ولو اتنفذ بتجي سنة والا اتنين وبعدين يهدموا المشروع دا تااااااااااااااااااني!!!

هلا يابو خليل …
شوف الله يحييك .. ما اعتقد أن الدرباس مخطي كثر ما الأمانة مخطية .. أنا أقول لك ليش .. بالنسبة للإنهيار هو مش إنهيار كثر ماهو سقوط للحاجز الإسمنتي .. اللي حسب المقاول طاح بعد إصطدام كرين فيه .. و بنفس الوقت كان فيه عمال تحت الحاجز .. فللأسف أصيب أثنين و توفي واحد الله يرحمه .. برأيي الموضوع في هذا الجانب مفروض ياخذ طابع جنائي .. يحققون في إجراءات السلامة .. وسبب الحادث , و يدان الشخص المتسبب سواء صاحب الشركة أو حتى سائق الكرين .. و أنت موظف في أرامكو و تعرف أن الحوادث ممكن تصيير بأي وقت .. طبعاً سلم لي على الدفاع المدني ..

أما بالنسبة للأنفاق .. أنا معك بخصوص السراميك زي ما قلت كأنك بدورة مياة - أكرمك الله - هههههههه .. بس وين عيون الأمانة .. هذا جزء من الشكل الجمالي .. و الدرباس مش مسؤول عنه .. المطلوب أنه يبني النفق مش يجمّل النفق .. كان المروض ترك النفق بدون سيراميك على الأقل ..

أما موضوع أنفاق الدمام .. هذي أخطاء تصميمية .. يعني الخطأ بالتصميم بداية .. بعدين لاتنسى أن الأمانة تركت كل جهه خدمية تنقل خدمتها من مكان المشروع .. يعني مصلحة المياة جابت مقاول .. و البلدية جابت مقاول .. و الكهرباء و الهاتف ألخ .. الزبدة بعد كل هالعالم جاء الدرباس و عنده تصميم و قالوا له سوو زي كذا .. الرجال اشتغل و خلص .. لما طلعت المشاكل طالحت براسه .. هذا مش عدل .. يتشغل في مكان واحد عشرات الجهات وجهة وحدة تلام على الخطأ .. إذا كانت الشركة اللي جابوها من البحرين !! قالت أن الخطأ كان من التصميم مش من التشييد .. ليش نلوم الدرباس ؟؟
ليش ما نحاسب الأمانة .. ليش بدل ما أعضائنا -حقين المجلس البلدي - اللي ما انتخبت واحد مهم و اللي جات للناس لسته بتزكيتهم ما يتحركون ؟؟ ليش لما تكلموا تهاوشوا مع الأمين على أراضي الهاف موون ؟؟ ليش لما يجي موضوع الأنفاق في حديثهم يكون عرضي .. و لا فيه أي معلومة أو فكرة .. ليش يحاولون يوهمون الناس و يذروون الرماد بالعيون ؟؟

طبعاً هذا ما يعني أن الدرباس ملاك .. لكن أبي نروح للمشكلة مش للقشور .. أنا برأيي أن ضيف الله مش سيء بس الأمانة يبي لها نخل .. و طبعاً الرجال كل ما حاول يحسن شي .. ثار في وجهه أهل المصالح .. وللأسف ثوروا الناس معهم ..

على فكرة الدرباس ماسك بعد تقريباً نص مشاريع .. تحسين شوراع حاضرة الدمام ..

سوري على الأطالة .. نهارك سعيد ..

اسأل منهو شريكة

…. بل اسأل : الدرباس هذا “واجهة” لمن ؟؟؟؟

اقول قول لدرباسكم ذا كثر من الخميرة على الدقيق شكله مايشغل عقله!
الله يعين عليهم بس……….

بس لاحظت غياب مشروع (الدرباس) لبناء مستشفى ومكان لبيع البليلة
يمكن لسة يخططوا
الله يعينهم

لكن اللي اعرفه ان كثير من المناقصات مسرحيات رائعة التمثيل
وعادة الكسبان صاحب ول ابن عم ول قريب ول ولد خال ابن عمة عارض المناقصة

هذا اللي اعرفه…

انصحكم وده لوجه الله لا احد يستخدم الجسر الذي يقوم الدرباس بعمله في تقاطع الامير نايف مع الملك فهد فهذا الجسر غير صالح للسيارات وبه اخطاء عديده بالتنفيذ اللهم قد بلغت اللهم فاشهد