سمايا ملتنى تراب
عفار... غيوم... ضباب
زعلانة منى يا ترى
ولا زعلتى ع اللى جرى
حلفت ميه والف والف
لاضرِب وما اقولش أُف
لو حنضرب ميت كف
الباشا سف حقى سف
أسيبه واسكتله؟!!
أغنى وأرقص له؟؟!!
طب وولاد المحلة؟؟!
ده واد خسيس وقِلة!!
ملوا الدنيا شارات
بوكسات وموتوسيكلات
بنادق ورشاشات
دبابير وهيلمانات
تقولش قتلت قتيل!
تقولش ولعت فتيل !
تقولش سرقت فيل !
أقولك مستحيل...
يقتلوا صوت...
يقتلوا حلم....
بلد تضم...
والخير يعم...
قتلوا جسم الواد والراجل والست...
حبسوا كتير ..عشرات وميات ...
شدوا الحصار...ما فى فرار...
غيم سحاب ...بقى موج ضباب...
اضربت الشمس عن نهار
اضرب الهوا اصبح عفار
اضرب الشعب المحتار
اضرب المضروب وانهار
خلاص!
خلص اليوم!
بس عارف يا موهوم...
من النهارده مش حتعرف نوم!
Sunday, April 06, 2008
Add a Comment
Add a Comment
<<Home