الحرية للمعتقلين
اليومين اللى فاتوا ناس كتير تم إعتقالهم
عشرات من شطاء كفاية و200 من المحلة الكبرى
بس الإضراب نجح والنظام عرف إن الشعب ما هيتحرك ماحدش هيقدر يوفقة
عدد المعتقلين المرادى كبير ، بس الناس كلها معاهم مش بس النشطاء السياسيين
الإضراب ماكنش لية دعوة بالناس اللى بيتكلموا فى التليفزيونات واللى بيحبوا يدوا بتصريحاتهم الناريه
المرادى كل المصريين مع المعتقلين
الملايين اللى كانت بتتكلم عن الإضراب فى المواصلات ، والناس اللى الأضربت ومانزلتش شغلها
الصورتين اللى فاتوا دول لمحمد الشرقاوى وهو بيتعرض على النيابة يوم 7ابريل مصدرها جروب الحرية للشرقاوى على الفايس بووك
محمد الشرقاوى إتاخد من قدام بيتة يوم الاضراب الصبح الساعه 8
الشرقاوى إترحل لسجن المرج إمبارح
أحمد بدوى و محمد الشرقاوى وإسراء عبدالفتاح ونادية مبروك وشادى العدل ووليد صلاح وأحمد نصار وأحمد ميلاد وكل المعتقلين المصريين اللى نزلوا يوم 6 ابريل الصورة دى قالت اللى كانوا عايزين يقولوه
تصوير ناصر نورى - رويترز
AHmed yossef said,
April 11, 2008 @ 2:14 am
تمنت أسرائيل أن ترى هذه الصورة سنوات سنوات وهاى هى الأن حلمها يتحقق بسبب غباء و أصحاب العقول المريضة التى نشرت الفساد و الأشاعات فى هذا البلد للمصلحة الشخصية فى الوقت الذى يذهب الرئيس علشان يجد لنا لقمة العيش
لا لكفاية لا للأخوان لا لكل محرض للأضرار بهذا الوطن الحبيب لا ولا نسمح لشوية مرتوقة مهومون بحب الأمريكان لن نسمح بتحويل مصر إلى عراق ثانى ولا لبنان ثانى ولا سودان ثانى ولا جزائر ثانى ولا فلسطين ثانى
للأسف تتم المخططات الأسرائيلية و الأمريكية و فق الجدول الزمنى المعد له بتقليب الرأى العام فى كل منطقة على حكوماتها حتى يصل من سيرضخ لأمريكا ويتبع تعليماتها وفق الأرادة السياسية الأسرائيلية و تقسيم مصر إلى دولتين
أمضاء المنظمة المصرية للدفاع عن الوطن
أبداً ولا لن نسكت بعد الأن
هبه ابراهيم said,
April 11, 2008 @ 5:30 pm
وربنا دى اهانه
بس للجزمة بتوع الناس
مش للصوره
احسن هو اللى جابه لنفسه