I B R A H I M

انا بعد أرفض سالفة المسجات وبقوة
كل همهم يستفيدون من المبالغ اللي تدر عليهم بالمسجات
واي برنامج فيه هالخدمة تخدمه المصلحة الشخصية على المصلحة العامة
ويصير فيه ظلم والسبب الأحزاب والمجموعات اللي تشجع ناس من ناس!!

يا ساتر!!

بس والله نغزة الفلوس في محلها، يعني شاعر المليون وشاعر الجمهور، وشاعر الفواصل وشاعر المدري مين، وكلها ملعوبة .. يعني صحيح لها حسنات أنها تحيي الموروث الشعبي لكن بطريقة عليها أكثر من علامة إستفهام ..

مثلاً لو قارنا برنامج شاعر المليون بما انه هو البرنامج الشعري المتصدر وصاحب السبق بأي برنامج مسابقات أخر مثل، ستار أكاديمي أو سوبر ستار أو الرابح الأكبر، لوجدنا أنه أفضل بكثير، يعني فرق الثرى عن الثريا، وكذلك الجمهور المتابع له يفوق الجمهور المتابع لمثل تلك البرامج حسب ظني ولا أدري هل لأن تكرار تلك البرامج .. وطريقتها في العرض المباشر يعني “لايف شو” مدري وش اسمه .. يوم يجيبون المشاركين وهم ياكلون ولا هم يلعبون ولا هم الله يكرمكم ويكرم القارئين ***** هو السبب في عزوف الكثير من المشاهدين عن مثل هالبرامج، أذكر اني قرأت قبل أمس تقرير صحيفة الحياة السعودية عن البرنامج، والكلام لها وليس لي بأن شوارع الرياض خلت من المركبات وقت عرض البرنامج .. يعني شيء طيب .. !!

لكن يمكن الطريقة المستخدمة كانت تجارية شوي وخصوصاً “صوتوا لشاعركم المفضل” و “كل ما زاد التصويت زادت فرصة شاعركم في الحصول على البيرق” يعني تجارة عينك عينك،، وهذا شيء ليس مستغرباً يعني هالمسرح والمذيعين والدعايات والقناة ليست لسواد عيون الموروث الشعبي ولا لعشاق الشعر، التجارة موجودة وشركات الإعلان والإنتاج كلهم يتربحون من وراء الشغلة، الله يخلف، ولا وش دخل المذيعة نشوى “مدري وش أسمها” بالشعر !!

وعلى قول الشاعر اللي شارك معهم .. بس ما تأهل مع الثمانية وأربعين “جبر القصيد وذبح اكاديمي ستار”، وهذه النقطة تحسب للبرنامج وبرنامجهم الجيد الثاني أمير الشعراء “المخصص للشعر الفصيح” يعني محاولة للإرتقاء بذائقة المتلقي، والناس تعرف تميز الردي من الزين.

على سالفة الكسب المادي، وشريط الإهداءات وفي رواية شريط الرسائل، اللي صار مدخل رزق لكثير من القنوات .. وكل واحد فتح له قناة .. من كثر قنوات التلفزيون ماتدري وش تشوف .. وأذكر هنا أمنيه زميلنا العزيز “ماشي صح” الأخ خالد .. يوم يقول أمنيتي أن يصبح لكل مواطن مدونة .. وأنا أقول الله يستر لا يجينا اليوم اللي يصبح لكل مواطن “قناة” يعني مثلاً قبل كم يوم لقيت قناة جديدة أسمها “مواهب وأفكار” شي عجيب ..!! يعني هذا أذكرة برنامج على تلفزيون السعودية القناة الأولى إنتقل لقناة المجد ثم تحول إلى قناة … الله يستر أيضاً أن النشرة الجوية ما تتحول لقناة .. نصير نشوف الأستاذ حسن كراني “الله يذكره بالخير” 24 ساعة.

عموما نرجع للشعر الشعبي وقنواته .. اللي صارت أكثر من مجلاته، الساحة والواحة والراية والطاسة ونجوم 4 … الخ .. من القائمة الطويلة .. واللي للأسف ماعندها غير القلطات .. اللي لي وجهة نظر فيها .. وشريط “سباب الشر” الرسائل القصيرة .. والقضية مكشوفة جداً وجيب لك مذيع مدري وش اقول ولا مذيعة مزيونة ولابسه برقع .. وتسوي برنامج .. مدري وش يبي ..

عموماً مثل ماقلت .. يا إبراهيم ، برامج الشعر موجودة من زمان ولا حولها أحد .. يمكن لأن أسلوبها كان مش حالك .. يعني ما في زبرقه وبهرجة .. يعني الله يجزاه بالخير الشاعر حمد العزب يسوي برنامجه مدري وين بديوانيات كنها إستراحات الفصيلية .. والتصوير مش حالك .. وسواليفهم عن “الغنص” ومدري وش ولا فيه تسويق .. ولا شيء .. ولا الكاميرا تطلع لك مقطع على المزيونات اللي بشاطي الراحة، أجل بالله عليك جايتهم “مليحة بولند” على قولة الشاعر السميري، وش تسوي عندهم ..بشاطيء الراحة، وين شاعر المليون عن بن شلاح الله يرحمة ومضارب البادية .. على ايام أسود وابيض !! يمكن برنامج بو محسن هي اللي متطور شوي أستديو وحركات .. لكن ما يصل لشاعر المليون .. في البهرجة والزبرقة ..

وأحب أن أشيد ببرنامج الخيمة الشعبية .. اللي فيه الشرهان هو مع رواياته المبهرة وإلقاء الراجح الجميل .. وهذا يذكري ايضاً بالشاعر حيدر مرداس الهزاع بعض الاحيان يلقي قصايد ببرنامج “مراحب” صوته جميل .. مثل الراجح ..

عموماً حتى لا ننسى نبارك للشعراء الفائزين والمتأهلين، أقصد حامل البيرق خليل والكعبي وعامر ، ونقول هارد لك للفراعنه وعيضة .. ولايروح بال بعض الناس بعيد مؤامرة ومدري وش، وتشوف عالم وتدوينات .. السالفة أن الجمهور هو من يحدد ومن يتصل أكثر .. يفوز أكثر .. حتى لو كان شاعر من زيمبابوي .. وصارت القضية مناطقية ووقف معاه الشعب الزيمبابويوي كان فاز ..

والحمد لله عدت على خير .. والله يعين راعين الخيمة اللي طاحت .. بعد الحين الكويت حوستها حوسة فرعيات وقلطة “كملت” الله يعديها على خير ..

وعلى طاري السرايات الله يستر لا يطيح علينا نفق الدمام والخبر .. نبهوا الدرباس ..

وتحياتي وعذراً على الاطالة

على فكرة موقعك مازال يقطع .. الارسال ضعيف .. أنا غيرت موقعي .. وتم التحويل للدومين الجديد في إسمي .. والان يمكن الدخول عن طريق شبكة أرامكوا .. الله يهديهم أرامكوا يعني صحيح داومت عندهم في السمر وكنت مبزوط عندهم ، ورئيسي كتب عني في التقييم لا توظفونة لكن مو لدرجة يحجبون موقعي ..

في قلطة الوطن كل شاعر مشارك حتى و ان خسر له جائزة عبارة عن مبلغ مالي و هدية تتضاعف مع تضاعف المراحل و التكلفة أعلى من ما يمكن أن يدخل من خلال المسجات , الهدف احياء موروث يكاد أن يندثر في الكويت ، و الكويت تعتبر من أهم مراكزه .

الله يحفظ الجميع يارب
ماتلحظون كل مرة يسون احتفالات الكويت يصير شئ ..؟

الله يكفينا شر السريات والعواصف وكل الكوارث
ويحفظنا يارب من كل مكروة