الاسم: كامل النصيرات 
...
حاب تصير مثل حسن نصر الله ؛ في أربع تلاف خطوة ..!!
وقِّفْ لِفْ لفتين..دوّرْ على حيط متين جداً ..سَنْتِرْ راسك باتجاه الحيط ..يجب أن تتذكر إنّك على بُعد عشرين متراً عن الحيط ..وعلى قدّ الله ما يعطيك من مروّة ؛ مثل الطيّارة دُقْ راسك بالحيط أربع تلاف مرّة ( على عدد الصواريخ التي أطلقها حزب الله ..لو بزيدوا بنزيد ) ..!! الآن على الحنفية دُغري وحط راسك تحتها ..اغسل راسك جيداًً ..أوعى تنشّف راسك من الميّة..!! .. تقدّمْ للأمام بطريقة ( النطّ ) واحد وأربعين نطّة..ثمّ توقّفْ..إرجع لنفس الحيط إللي قبل شويّة .. مثل الطيّارة دُقْ راسك بالحيط أربع تلاف مرّة كمان..وعلى الحنفيّة جراي وبرضو لا تنشف راسك من الميّة ..!!
ما فيه داعي كل شويّة أقعد أقوللكْ أخبط راسك بالحيط وعلى الحنفيّة ولا تنشّف راسك ..خَلَصْ لحالك لبالك بعد كل خطوة ( وإنت محترم وبدون ما حدا يقولكْ ) تروح تدقّ راسك بالحيط أربع تلاف مرّة وعلى الحنفيّة وبدون تنشيف ..!!
الآن ..فيه عندك درجات ؟؟..قديش عددهن ..؟؟ إذا أقل من أربع تلاف درجة ..ما بينفع ..تروح تدورلك على عمارة عشرين طابق بشرط يكون الأسنسير خربان فيها ..وتروح نازل طالع أربع تلاف مرّة ..ومثل الفريرة على الحيط وعلى الحنفيّة ..!! بعد ذلك ..المتبقي من خطوات قصيرة وصغيرة ..امشي ..وبعدها ع الحيط ..اقعد ..وبعدها عَ الحيط..ابكي.. وبعدها عَ الحيط..لف على الدكاكين دكانة دكانة .. وبعدها عَ الحيط.. عبّي تلفونك بأربع تلاف بطاقة مدفوعة مسبقاً .. وبعدها عَ الحيط..أحكي مع أربعة تلاف واحد ؛ كل واحد لمدة أربعة تلاف ثانية .. وبعدها عَ الحيط..!!
إذا بدّك هيك حركات والله ما تخلص معي من أربعة تلاف يوم ..بالمختصر ..كل هذا من أجل أن تصبح مثل حسن نصر الله ..أي والله ..لو عملت إللي قلتلك إياه ومثلو أربع تلاف مرّة ..وخبطت راسك بأربع تلاف مليون حيط ..ما رح تحصِّلْ (قهوجي ) عند واحد شاف بالمنام واحد ؛ كان في يوم من الأيّام راد السلام على واحد يقرب لواحد شاف حسن نصر الله على التلفزيون ..!! فحطها يا حبيب أمّك واستريح ..!!
...
كتبها كامل النصيرات في 03:03 صباحاً ::
22 تعليق
في16,آب,2006 - 04:38 صباحاً, Ali كتبها ... (غير موثّق)
"حطها يا حبيب أمّك واستريح !!" انا بيني و بينك ضليت أقرأ و بس بدي أشوف لوين رح توصل . المهم خلصت الحرب ... و بلش وقت الحساب و فتح دفتر الأتاوات و المزاودات و أول واحد بلش يزاود بلش إنبارح . يلا خلينا نشبع هاليومين برم ع الفاضي و على قولة المصريين "كلنــا الزعيم " و دمت .
في16,آب,2006 - 05:02 صباحاً, samia faris كتبها ...
صباح الخير ياااااااااااااااااااااااااكامل ! ولا اسهل من انك تكون حسن نصر الله الرمز! استخدم دماغك والذي منحك الله اياه للتفكير .......ابدأ بالتفكير بهويتك وتاريخك وحضارتك .......... امانتهم في عنقك.......فكر بامتك وسبل نهضتها ورفع الظلم عنها ........اعمل من اجل الجميع لا الخاص......... فكر ولا تستاجر الافكار ........ وكن صلب الاراده بحيث لا تتسرب اليك اي فكرة شيطانية من احد وخاصه من الغرب رغم كل اغراءاته ........كن مقداما شجاعا لا ينحني الا لله .......كن مع الحق وان كنت ضعيفا لا تملك سلاح المداهنه ...... الاهم كن صادقا مع نفسك ومن حولك....... لا تفكر بجيبك ابدا .........ابدا المعركة بابنائك ........كن كل هذا ........ انت حسن نصر الله
في16,آب,2006 - 05:35 صباحاً, Osama Sharawi كتبها ...
اممممممممم...على فكره انا لازم اشرب فنجان قهوه عالريق عشان اصحصح.... بس اليوم مقالتك خلتني افتح عيوني عالاخر... يعني ما بعرف شو بدي احكيلك... بس بكل واحد فينا صار في حسن نصر الله.... بكلماته وخطاباته و عزته وشرفه ودفاعه عن لبنان... انا لو سالوني شو تتمنى ... رح اجاوب انو يا ريت كل هالعرب زاحد على مليون من حسن نصر الله
في16,آب,2006 - 05:36 صباحاً, Osama Sharawi كتبها ...
واحد على مليون قصدي من السيد حسن نصر الله... شكلي لسه مو مصحصح :-)
في16,آب,2006 - 06:25 صباحاً, حاج سليمان كتبها ...
بسم الله أخي كامل اسعد صباحك , لأن تكون حسن نصر الله يجب أن تدفع ثمن ذلك يكون لك من الأولاد من هو في ساحة الجهاد , فأنت تعرف أن السيد قدم ابنه طواعية للجهاد , وقد استشهد في السنوات الماضية وكان أحد الصحفيين يروي قصة يوم استشهاد ابنه , كان هذا الصحفي مع زملائه مع السيد في مكتبه |, وإذا بالمرسول يأتي بخبر استشهاد ابنه في جبهة القتال , مذا حدث للسيد , طلب من الحضور أن يتركوه دقيقة لوحده خرجوا من المكتب ثم أذن لهم بالدخول فأخبرهم بأن ابنه استشهد لم يتزعزع لم يصرخ لم يبكي بكاءنا بل احتسبه من الشهداء , وحينها كتب الصحفي المحترم إلا هذه يا سيد حسن فلا نستطيع غليها , أن يقدم زعيماً في لبنان أو خارج لبنان ابنه للشهادة ويكون في جبهات القتال فتلك خصلة نصراوية دون مبالغة . لمثل هذا فليعمل العاملون أخي كامل بارك الله فيك وكأني بك تغتفر بمقالك اليوم المقال الماضي الذي سويت فيه جهاد السيد بتفاهات هيفاء , بالتوفيق وغفر الله لنا .
في16,آب,2006 - 06:27 صباحاً, مجهول كتبها ...
انا اعتقد ان الامة العربية استعادت شرفها بالسيد حسن نصر الله ورجاله الاشاوس بدلا من انصاف الرجال واشباه الاموات من العرب المستعربة واليهود المتاسلمة باسم السلفية والاسلام البترودولاري .... وتف على كل الخزنة المستهزئين برمز العرب وشرفهم الاول .. ارجو نشر التعليق
في16,آب,2006 - 06:34 صباحاً, ثروت نورالدين كتبها ...
معاك حق والله يا استاذ كامل
في16,آب,2006 - 07:07 صباحاً, ابو لسانين كتبها ...
والله لازم ترسل مقالك هذا لعمرو موسى عشان يصور منو شي 40 نسخة عشرين بوزعها على القادة العرب و20 بخبيهم لاولادهم اللي حييجو بعدهم على الحكم بلكي في واحد منهم بقبل تحديك وبجرب .... بيني وبينك ان شاء الله كلهم يخبطو راسهم بالحيط ....... بس ما تزعل مني الحيطان مع احتراماتي الها
في16,آب,2006 - 07:23 صباحاً, نور الليالي كتبها ...
انا بتفق مع رأي الاخ ابو لسانين ...وربنا يعين الحيطان من ضرب الدماغات فيها ...البي مع الحيطان ^ــــ^
في16,آب,2006 - 08:23 صباحاً, _hala_ كتبها ...
كلو حكي هاد عنا صعب كتير واحد يفكر انه يصير متل حسن نصر الله واز فكر رح يروح عند خالته !!!!!!!علشانه برجع بطلع قوانين جديده ما هي ميمعه كل يوم شكل ... وانت يا كامل عايش وشايف وسامع ... وما في الا الطريقه الي انت حكيتها يخبط راسة بالحيط وممنوع يفكر واز فكر يا ويلة
في16,آب,2006 - 09:52 صباحاً, بنت الاردن كتبها ...
أحيي الكاتب على هذا المقال الرائع 0000 بل هو اجمل ماقرات لك سيدي على الإطلاق 0000مقال موفق للغاية ومقار نة رائعة ومعبرة 00000 احييك على هذا المقال ونرجو المزيد من هذه المقالت الرصينة القيمة والمنصفة والموضوعية ألحمدلله لاعزة ولارفعة لنا إلابإصلاح أنفسنا وضمائرنا وبعدذلك يسهل علينامنازلة اليهود ومن في شاكلتهم فوالله لوارتفع التكبيروالتهليل بصوت واحد لفرت إسرائيل من أمامنا كماتفر الشياه من السبع
في16,آب,2006 - 10:13 صباحاً, Jassim Hasan كتبها ...
لقد هزت "الحيط" والا لما وقفت الحرب ولما تغيرت بنود قرار الأمم المتحدة ، الحيط لم تعد قوية كما كانت ، قوتها كانت تمتدها من جبننا وضعف عقولنا ، نحن من زرعنا الخوف ي انفسنا لنرى الحيط قوية ، ولكن واأسفاه حتى بعد ان اهتزت ورأى اهتزازها كل شريف في العالم لا زال البعض يراها قوية وكأنها لم تهتز، غير نفسك لترى العالم قد تغير
في16,آب,2006 - 12:43 مساءً, احمد النصيرات كتبها ...
خلاص ابو بغداد بدي اروح اخبط راسي بالحيط واروح على الحنفيه وانا عارف ومتأكد انو مارح اصير غير صاحب عاهه مستديمه وشكرا على الطريقه الحلوه
في16,آب,2006 - 02:33 مساءً, احمد براهمة كتبها ...
مسااء الخير استاذ كامل على فكرة كل الشعب العربي كله حسن نصر الله بس الله يجزيهم الخير الحكام داعسين على روسنا وكاتمين على انفاسنا يعني ولا احلى من هيك ابتحكي كلمه واتختفي اربع تالاف يوم ويمكن عمرك ما رح تبين
في16,آب,2006 - 02:46 مساءً, mahmoud magdy كتبها ...
طيب منين حنجيب حيطان مهو راح نستوردها من امريكا فهل سيتم حظر تصدير الحيطان من امريكا و اوروبا للدول العربية ؟؟؟؟
في16,آب,2006 - 09:22 مساءً, حسن غريب كتبها ...
الذي سيفعل هذا لن يصير حسن نصر الله بل حسن كامل النصيرات
في16,آب,2006 - 09:33 مساءً, مي كتبها ...
استاذ كامل أنا خايفة عل حيطان ...من وين بدنا نجيب حيطان بعدين .........
في16,آب,2006 - 10:06 مساءً, واحدتانى كتبها ...
حسن نصر الله موجود زيه كتير أنا واثق ...... بس تايوان ............... فتش عن الايمان ده ممكن يهد جبال ************************** ما وقر في القلب وصدقه العمل
في20,آب,2006 - 01:11 صباحاً, مجهول كتبها ...
هل إنت متأكد انه كان ولد نصر الله ؟ لا يكون ذاكر من الذواكر ... مثل أبوه...
في01,أيلول,2006 - 12:19 مساءً, Hala كتبها ...
http://www.youtube.com/watch?v=YlMrn27FsAE&search=nasrallah لا حببي... ولد نصر الله و نص و خمسة و عشرين كمان (الله يرحمه و يسكن فسيح جنانه )....و اذا ماك مصدق اعطيك هذا الرابط لتشوف باالصوت و الصورة و بالانجليزي....اما باالنسبةلكلامك على أبوه... فانا اقول لك...هو اشرف منك و من الي خلفوك يا دجال... خسئت و تبا و سحقا و ثكلتك امك ياابن فلسعة....سلام _____________________________________________ اخت سنية.. بس و حق الله ..روحي فداك يا نصرالله ...
في18,تشرين الثاني,2006 - 09:40 صباحاً, هشام ابراهيم كتبها ...
يا سيد كامل بلا حسن نصر بلا زفت
اي انتو مثقفين عيب تمر عليكو هيك مؤامرات
والله القصد اكبر من هيك في اعلاء شأن الشيعه واخماد نور السنه
اي حزب الله كم بدو مع امريكيا واسرائيل لو بدهم ايشيلوه
كلها ربع ساعه
بس يا عمي هذا هو الانتصار المصنوع في النتاغون
سلام
في28,كانون الثاني,2007 - 09:03 مساءً, younis كتبها ...
3ala fikra awwal ma2reet hal nass fakkartak 3am titmas5ar 3ala ilsayyid bass lamma 2reet ilrodood rji3it ma33ant ilnazar fi w kammalto lal 2a5ir w kteer fri7it bass badde 2illak w2ool la kill illibnaniye 2inno niyyalon bil sayyid 7asan w ya reit la jonblat byirja3 lal taree2a 2ille 2ilta barke bimoot w mno5las minno