من حق إسراء إنها تخاف ، عادى جدا
متأكد إن إسراء لا عملت جروب الفايس بووك ماكنتش متخيلة أبدا إن عدد أعضاءة هيوصل للعدد الضخم دا
ولما وصل للعدد الضخم دا ،أنا متأكد إنها ماكنتش متخيلة التجاوب الكبير دا
ولما الناس إتجاوبت ماكنتش متخيلة إن الموضوع هيبقى أكبر منها بالشكل دا
ولما إعتقلوها كان نفسها تعمل أى حاجه وتخروج ، دا غير كلامها بس هو دا الحقيقة أكبر مناضل فيكى يا مصر لما يتاخد يبقى أكيد عايز يخروج
مش الكلام دا طبيعى ؟؟
بقول حاجه غريبه؟؟
إسراء غلطت فى ايه بقى؟؟
انها قالت إن السجن حلو وإن الدنيا تمام ومافيش إهانات
دا الشيىء الوحبد اللى غلطت فيه بس الحقيقة هى معها عزرها واللى يقول غير كدا يبقى لازم يحط نفسه الأول مكنها انها بنت وانها كانت لوحدها فى الإعتقال و الدنيا مقلوبة عليها وفوق دا كلة أول مرة تعتقل فى حياتها
من حق إسراء إنها تخاف ومن حق إسراء إنها تكتشف إن الموضوع كان أكبر منها وإنها مش هتقدر تكمل
صحيح لو كانت خرجت قوية كان هيبقى شيىء عظيم جدا لكن برده عزرها موجود ومقبول جدا
هى ماطلبتش من حد يعملها بطله ، كل اللى كتب عنها هو اللى عملها بطلة
الموضوع كان أكبر منها وهى ما أكتشفت إنها مش هتقدر تبقى قد الموضوع صحيح إكتشفت دا متأخر بس أنا فعلا عندى ليها عذر ومتقبلة جدا وكويس إنى لاقيت ناس كتير لاقيين ليها عذر ومتقبلينة
April 26th, 2008 at 11:22 pm
يا طاهر
يابني مش اسراء اللي عملت الجروب
احمد ماهر اللي عمله
وبعدين الاكاونت بتاعه باظ
April 27th, 2008 at 6:58 am
لا يا وائل بجد والله إسراء اللى عملت الجروب
بص ادخل على الجروب هتلاقى الأكونت بتاعها مكتوب جنبة كرياتور
واحمد ماهر كان اوفيسر بس لغو الاكونت بتاعه
ولا هو ممكن يكون لما الأكونت إتلغى بتاع احمد اتوماتيك اتكتب جنب اسراء كرياتور؟؟
انا مش عارف بصراحه بس هو ممكن يكون دا يحصل ولا الدنيا شغاله ازاى فى الفايس بووك؟
April 27th, 2008 at 1:10 pm
بسم الله الرحمن الرحيم
اخى اريد ارتباط نصى بمدونتك اخى ضيفنى كرابط صديق اخى انته بتقول عاوز تصلح البلد طب ساعد اخوانك المصريين انا عاوز ارفع البيج رنج للموقعى لان جوجل هيغير البيج رنج قريبا ضيفنى واكسب فيه ثواب ولا انته بتاع كلام وانتقاد بدون الرغبه فى الاصلاح ايه اللى هتخسروا عندما تضيفى ولو فى الاخر بلاش تكون اناننى موقعى
الله يبعد الشيطان عنك وضيفنى كرابط صديق ياااااااااااااااارب
April 28th, 2008 at 5:49 am
هههههههههههه
يا ريس انت بعتلى مايل وانا قلت لك ان المدونة بتاعت مالهاش علاقة بالجميز و علشان كدا مالهاش معنى انى اضيفك عندى
وانا فعلا بتاع كلام وانتقاد بدون رغبة فى الاصلاح
بس قوللى علاقة رغبتى فى الاصلاح بإضافة موقع جيمز فى موقعى ايه؟؟
April 28th, 2008 at 7:28 am
فعل الخير هو اصلاح
عدد زوار مدونتك قليل يعنى اذا كتبت محمد على وبها رابط موقعى من ضمن حوالى 20 صديق مش مشكله وبعدين انته كاتب اصدقاء وليس مدونات سياسيه وسلملى على السياسه السياسه فعل تلاقيق معندكش بطاقه انتخابيه هههههههه فكرت تكتب عن عمل بطاقه انتخابيه علشان عام 2010 ههههه طبعا لا المهم شويه الصور وشويه الكلام المهم الصندوق الانتخابى ومتنساش الانتخابات الماضيه ايمن نور اخذ نص مليون صوت ومكنش فيه 99$% فاهم قصدى شجع على العمل احسن واعمل الخير للغير هيه دى السياسه الصح يا بتاع الحرنكش
April 30th, 2008 at 4:36 am
ههههههههههههه
لا الة الا الله
انت اهبل يا ابنى ولا ايه؟
May 4th, 2008 at 2:56 pm
كلامك مظبوط والله وانا متأكدة ان الناس اللى عذرتها اكتر من اللى لاموها دا كتر خيرها انها استحملت الموقف دا خصوصا خوفها على والدتها وخوف والدتها عليها وتصريحاتها بعد خروجها مش قلل ابدا من اللى عملته