آخ من حملة ترشيد … شوفوا هالصور البسيطة وخلونا نفكر بصوت عالي شوي

الصورة اللي شفتوها الحين عبارة عن بروشور تم توزيعه اليوم على البيوت في فريجنا والله أعلم كم فريج وكم بيت تم توزيع هذا البروشور عليه … أول شي فكرت فيه كوني أنسان بسيط جدا قلت في بالي ياربي وين أقرب زبالة علشان شكل بيتنا من هالبروشورات يلوع الجبد .. خياط - صباّغ - حدّاد - تكييف  والحين ترشيد الى متى هذه الظاهرة يا إخوان البيت صار مكان للاعلان وببلاش

حملة ترشيد يزاهم الله خير عندهم 10 ملايين مو عارفين شيسوون فيها من كثرها أي نعم في ناس من الحملة سافروا من خيرهاالسنة الماضية وأيضا هذه السنة ووراح تستمر لمدى سنتين بعد لان هدف الحملة من هذه الميزانية هو أربع سنوات

طبعا الكل راح يستغرب شفيني أنا أتكلم وكلها بروشور واحد مايودي ولا إييب

لحظة شوفوا هذي الصورة بعد

بيت واحد عليه ثلاث بروشورات !!!!!!! أنا أستغربت يعني يالطيب ياللي بالبيت بالطيب بالعافية بالقندرة الزايدة لابوك لابو اللي يابك شوف الاعلان !!! الحين خلونا نفكر بعقلانية وأيضا بصوت عالي

بيت واحد عليه ثلاث بروشورات مطبوعة بالالوان طباعة مميزة كل صفحة جم بتكلف ؟ الله اعلم

فريجنا فيه حول 25 بيت تقريبا يعني  نتكلم عن 75 بروشور محذفة هني وهناك

القطعة اللي احنا فيها بيت النازل فيها 500 بيت ؟ شوي ؟ نقول 1000 بيت ؟ مادري المهم خلونا نحسبها يعني 3000 بروشور !!! السالفة جدا عادية ياجماعة بس الحين اللي بعرفه

شنو الهدف من البروشورات ؟

أفقر فريج في أفقر ولاية في أمريكا دروا أن عندنا مشكلة بالكهرباء فما بالكم بالكويتيين والمقيمين !! مشكلة الكهرباء مشكلة وطنية الكل عنده علم فيها طيب ليش التبذير ؟ ياجماعة ورب الكعبة ندري ان الكهربة راح تنقطع والتكييف ظبطناه على الاخر بيتنا صار فرن بس هم المؤشر يدل انه في شي غلط عدل؟

انزين الحل ؟

طيب في افتراض ثاني الحين احنا بموسم صيف والناس مسافرة بالله واحد سافر قبل اسبوع ماني قايل يوم وماشاف هالاعلان شلون بالله ؟ خساير عالفاضي

هالعشر ملايين مع رعايات الشركات الكبيرة اللي بس همها تدفع فلوس لمجرد وضع اعلان صغير اسفل البروشورات أنا أقول لو يسوون محطة يديدة فيهم ويكتبون عليها محطة الشركات الكويتية يعني تصير باسم الشركات وايد أبرك

علشان بالمستقبل يعايرونا فيها ويقولون احنا اللي بنينا الكويت