للأسف لم أستطع تصفح مدونتي منذ الأمس بسبب إنقطاع الخدمة عني ! , فقد نسيت دفع الإشتراك الشهري الخاص بالـ DSL !

اتصلت اليوم بـ “إيمان” الموظفة بشركة IM !

انا : آلو . .

إيمان : السلام عليكم .

انا : و عليكم السلام , بقالي ساعه الا ربع بطلبك عالموبايل , مره تقفلي عليا , و مره مترديش !

إيمان : لا والله ده الموبايل هو اللي ملخبط خالص .

انا : النت مفصول عندي من امبارح , ايه النظام ؟

إيمان : طب أصبر ثانيه . . . , اه انت معمول Suspend عشان مدفعتش و كان مفروض تدفع من يوم 21 الشهر اللي فات !

انا : نعم !!!؟ , و الشركة مكلمتنيش ليه ؟

إيمان : تلاقيهم كلموك و مكنتش موجود !

انا : طب يلا رجعيلي الخدمه و هبقى ابعتلك الفلوس بكره !

إيمان : حاضر .

انا في سري : ايه الأدب ده .

بعد ربع ساعه تمت مكالمة أخرى . .

إيمان : معلش يا احمد مش هينفع ارجعهولك النهرده , الكمبيوتر . . . بكره ان شاء الله هرجعهولك .

انا : طيب , بصي بقى يا [ ابنتي العزيزه ] , الخدمه لو مرجعتش بكره قبل الساعه 11 الصبح بإذن الله يبقى تجيلي و جايبه معاكي كفنك !!

إيمان : نعم ؟؟؟

انا : زي ما سمعتي كده , انا مستني بقى , سلام .

أحلى حاجه انك تمثل انك بلطجي , و الأحلى ان الناس تصدق !

———————————————–

اليوم جعلني الدكتور المسؤول عن الرسومات الخاصة بالـ Summer course أكره حياتي !!

فمعظم أفراد العائله سيسافرون لتقضية أسبوع في إحدى المدن الساحلية ان شاء الله ابتداءاً من يوم السبت , و الدكتور مصرّ على أن أحضر للكليه يوم الأحد ثم أسافر بعدها , أي أن أتركهم ليسافروا قبلي و ألحق انا بهم في اليوم التالي وحيداً , فشلت كل محاولاتي بإقناعه بتغيير وجهة نظره الغريبة تلك !

الآن انا في حيرة , هل أستمع لوجهة نظره , أم أسافر يوم السبت كما أريد ؟

———————————————–

أغرب شيئ أن تقوم بالإطلاع على إحدى المدونات لتكتشف بعدها بيومين أن تلك المدونة ما هى سوى مدونة أخاك !

هذا ما حدث عندما اكتشفت أن مدونة ( أغداً ألقاك ؟ ) ما هى سوى مدونة أخي “حسن” !

كنت حينها في الجامعة لمدة يومين , و كنت أتصفح بعض المواقع من خلال جهاز غير جهازي . .

المشكلة انه يختلف معي إختلافاً غريباً في بعض آراءي لدرجة قد تجعل البعض يشك في كوننا اخوة من الأساس .

علشان محدش بس يكون فاكر اني ضد حرية التعبير , أخويا اهوه مختلف معايا كتير و لسه لغاية دلوقتي سليم !

———————————————–

اليوم ذهبت إلى كلية ( الحاسبات و المعلومات ) المجاورة لكليتي , تصوروا أنني وجدتهم يبيعون إسطوانات Windows Vista و Office 2007 الأصلية المدمجة بسعر 5 جنيهات للنسخة !

و لكن بشرط إنتماء المشتري لجامعة القاهرة !

حقاً فرصة أكثر من رائعة , لابد أنني سأغتنمها قريباً ان شاء الله . .

لا عليكم من ذلك الموضوع المنوع الغير مفيد , كان بودي أن أضيع وقتكم في شيئ اكثر فائدة , و لكن للأسف انا مشغول لدرجة أنني لا أستطيع أن أفيدكم بما هو ذو قيمة أكبر . . فأعذروني . .

هذا الموضوع كتب في 3 يوليو 2008 في الساعة 2:54 ص ومصنف بهذه التصنيفات: المنوعات. يمكنك متابعة التعليقات على هذا الموضوع عن طريق ملف الخلاصات RSS 2.0. يمكنك أن تكتب تعليقاً, أو تعقب على الموضوع من موقعك.