زار سمو الشيخ كيفانتش بن تاتليتوغ (مهند) اطال الله في عمره المملكة الأردنية الهاشمة بدعوة -وشوية ترجاية- من جمعية الأمل للأنتاج الفني, وقد كان في إستقبال شيخنا الفضيل ثلة من البنات في مطار الملكة علياء الدولي, حيث نقل مراسلنا في موقع الحدث أن البنات وبعض الشباب قد تهافتو منذ ساعات الصباح الأولى لأستقبال سمو الشيخ مهند في أرض الوطن.
وقد تم نصب خيّم للترحيب بضيف الأردن الكبير في وطنه الثاني الأردن, لما في هذه الزيارة أهمية إستراتيجية كبرى للحد من حوادث و أزمات السير بالأردن وإنتشار أمراض البوّاسير وغيرها.
وقد قدم سمو الشيخ مهند إعتذاراً رسمياً للشعب العربي عمّا سببه مسلسل نور من حالات طلاق ومشاكل زوجية, مبرراً ذلك “بقلة” عقل المواطن العربي, ورداً على من أعتبره “شاذاً جنسياً” قال سمو الشيخ مهند بأن من أطلق هذه الأشاعة “غيران” من جماله و هدفه التقليل من حجم المعجبات وتقليل حالات الطلاق بين الأزواج.
وفي لفتة عظيمة الشأن منه, قام سموه اليوم بزيارة مركز سيدة السلام لذوي الاحتياجات الخاصة في الاردن, ووزع هدايا وحقائب مدرسية على الاطفال من ذوي الاحتياجات الخاصة (أبصر على حساب مين الهدايا).
وقد علّق أحد الشباب “الديونجية” على زيارة مهند للأردن بالقول: “وااااال, إذا هو هيك حلو, كيف أختو لعاد؟؟!”
أدام الله لنا سموه وأبقاء تاجاً على رأس العربي, والله أكبر وعاشت أمتنا المجيدة .
الفكرة التي أردت إيصالها تختصرها مقالة الصديق أسامة الرمح هنا .
16 عدد التعليقات
at 3:58 am - 27th July 2008 Permalink
يا شباب عن جد بكفي
اللي بحضر المسلسل قرف من المقالات التي بتهاجمه واللي ما بحضره قرف من كثر المقالات عن مجرد مسلسل.
الدنيا مليانة أشياء علمية واجتماعية وسياسية وفنية وجمالية نحكي فيها غير هالحكي اللي ما بأكد الا سطحيتنا أو عدم وعينا لأهمية التدوين
في ناس همها تحافظ على مستوى معين من “الترافك” وكأنه انتصار ساحق بغض النظر عن المضمون
ما بدي اهاجم حدا لأني أصلا جديد في التدوين بس بعد ما كتب صديقك أسامة فوز مدونته بالأولى حكيت خلص اكيد راح تبدأ المقالات الاجتماعية العميقة…والنتيجة للأسف العكس تماماً خلصنا من محمد قويدر طلعلنا المسلسل التركي وكمان شوي رمضان يعني شو النتيجة؟
بعتذر اذا كانت فشة خلق وبعرف انك ما الك دخل الا بنفسك بس احنا لازم ننصح بعض
خلصت وراح اكبس محل ما بتأمر “هون”
at 8:52 am - 27th July 2008 Permalink
Na3m na3am i agree with you. wa lellahe fe 5algehe shouoon
at 9:24 am - 27th July 2008 Permalink
والله وطز ع هيك شخصية تافهة وعلى الشعب التافه الي مش ملاقي اشيء يبلش في
احنا العرب لو بنفهم ائصدي هاي الشخصيات الي عم بتابع هيك مسلسلات لو تروح تموت اشرف الها
بلكي ازا بموت بخف الطلب على الغداء وبترخس الاسعار شوي
لاحول ولا قوة الا بالله شر البلية مايضحك
at 10:43 am - 27th July 2008 Permalink
صبااح الخير …
…
بجد ضحكت من على الصبح .. سمو الشيخ … و هيك ,,,,
يعني ما بيستاهل كل ها الهيصة !!!!!!!
at 2:14 pm - 27th July 2008 Permalink
محمد شلطف: عزيزي, أحترم رأيك تماماً… ولكن لا بد لي أن أوضح نقطه مهمة جداً, أن همي ليس الترافيك ,ولو أنه دليل على زيادة قراء أي مدونة, ولكني لا أسعى لذلك أبداً, ولا اتابع الترافيك الا ما ندر.
على كل حال, مسلسل نور أضحى مشكلة أجتماعية “ان صح التعبير” سواء بالاردن أو بالدول العربية, وأصبح جزء لا يتجزء من حياة الكثير, لذلك قصدت الكتابة عنه عدة مرات ولو من قبيل السخرية, لأقوم بأرسال رسالة للجميع “كفى” لهذه المهزلة… وما دعاني للكتابة هذه المرة وبطريقه ساخرة أيضاً هو أهتمام صحافتنا “الغراء” بالمسلسل لدرجة أن اخبار مهند طغت على الغلاء والفقر والبطالة وغلاء البنزين…الخ
لذلك فضلت أن يكون لي وقفة مع هذه المسخرة.
أخي, لن يكون مسلسل نور همّي الأخير, سأكتب عن مختلف القضايا التي تهم الجميع, تابعني دائماً, وهنالك موضوع مهم لكل شخص بالنهاية
تحياتي
at 8:28 pm - 27th July 2008 Permalink
وبتلقيك غيرنا منو يا عامر عشان هيك عم تكتب عنو
at 9:47 pm - 27th July 2008 Permalink
والله أنا أتمنا بعد إذن عامر طبعا أنو تفوتوا على هاللينك
http://www.beeesh.com/?p=14
مقاله بعنوان عيش يا جمهور مع مسلسل نور
أتوقع أنها ستكون الحلقه الأخيره من أخبار و تفاهة مسلسل نور
at 11:52 am - 28th July 2008 Permalink
يا جماعة بيكفي حكي عن المسلسل خلص كرهنا مهند ونور وحتى فكري وخلص بطلنا نحضرو ارتحتو ارحمونا عاد
at 4:27 pm - 28th July 2008 Permalink
لا أحب أن أعلق على شىء لم أره فأنا بالفعل لم أتابع من المسلسل إلا ثوان قليلة عندما أتجول بين القنوات, و لكن ما أعارضه هو أن المسلسل أصبح ظاهرة غريبة في كثير من البلدان العربية و يتسبب بالمشاكل , كل هذا بسبب مسلسل ..
أعتقد أنها كانت غلطة ممن فكر أن يذيع مسلسل مثل هذا المسلسل و لم يفكر بسلبياته و إيجابياته على المشاهد العربي , فهناك ما يمكن عرضه و هناك ما لا يمكن عرضه .. و لكن في النهاية الموضوع كله Business . و هو الحال دائماً ..
مازلت أحلم باليوم .. يوم واحد تكون فيه الشعوب العربية على قدر من المسئولية تجاه نفسها , و لكنه حلم
at 6:28 am - 29th July 2008 Permalink
انا اكرهه …. هو و المثلثل بتاعه هو و ( الست ) نور
—
تحياتي لك و للقلم الرائع\
at 1:48 pm - 31st July 2008 Permalink
يعني لو إنو مسلسل وضحة وابن عجلان او المسلسل الثاني اللي زيو (نسيت اسمو) لو جابو الكاميره عليهم لما يصحوا من النوم بالشق عالفرشة أو لو مسك ايدها وقرب عليها وبعدين يقطعوا اللقطة ,, كان عمل شغل أحسن من مسلسل نور,,, ولا لأ استنوا غيرت رأيي ,, يمكن كان لازم تكون البطلة حامل بدون زواج والبطل عندو ولاد هون و هون وهو مش عارف ,, كان ساعتها المشاهد العربي بصير مبسوط وبتابع المسلسل,,, آآ و كمان شغلة,, لازم المسلسل يكون 200 حلقة عشان يقرف العالم و هو ينعرض واللي ما عجبو المسلسل بالآخر بيتعود عليه,,,
at 3:51 am - 1st August 2008 Permalink
و كمان اشي,,, ادعوا معاي (الله يجيبك يا باب الحارة ) خلي الناس تلتهي بمسلسل تاني
at 1:00 am - 4th August 2008 Permalink
زس از ريلي ريلي ان امازينج سيتيوايشن بيكوز وي هاف الوت اوف ستيوبيد سيلي مايندز وي هاف ذا اونلى سيك ثينكينج اون ذيس غلوب …. يا عيب الشوم علينا .. العالم بيفكر كيف يمشي السياره على الهوا واحنا علقانين بمهند وخواته
at 4:40 am - 6th August 2008 Permalink
3njad ya a5wan fe 3na 8edeyeh e7na w l 3alam dayreen wara mohannad w wara noor warana fala9teen warana 3era8 hada fasad jeel kamel ya 3alam
at 10:45 am - 7th August 2008 Permalink
احلى تحية ل علي زناخة
at 12:35 pm - 14th August 2008 Permalink
مهند ونور مسلسل بصبغة كلاسيكية اي احداث غير متوقعة ويومية دون هدف مثل الناس والعالم بس شغل تضييع وقت واصل اهدافة تبشيرية بحت
مهند العمري
أرسل تعليقاً