بيوت عمرانة
(1)
هو .. خائن بالفطرة …مدمن علاقات نسائية … سرعان ما تبخر التزامه القديم الذي أوقعها في غرامه حين بدأت أحواله المادية تتيسر.. كأن هيئته المحترمة التي كانت تنم عن اخلاق راقية كانت ناتجة عن قصر اليد وقلة الحيلة … وكأن الفقر بالفعل دواءاً لبعضهم… كان يبدأ بالاعتذار وابداء الندم حين اكتشفت أمره في البداية … ثم درب على الخيانة واستعذبها حتى صار لا يعبأ بأحد لا بها ولا بأولاده .. وأصبحت لذاته هي غاية مراده من هذه الدنيا..
هي.. لم تعد تملك من أمرها شيئاً… من أجله تركت عملها وبقيت في البيت لترعاه.. تحملت معه صعوبات البداية.. من دخل بسيط لمسكن ضيق … هالتها صدمة الغدر بعد أن أعطت كل ثقتها لمن أحبت واستأمنته على نفسها وعلى ما بقى من عمرها.. تجرعت مرارة الخيانة والاهانة كأسا تلو الأخرى.. صارت تشمئز من وجودها معه كأنها لا تود أن تكون حتى في مرمى نظره… وكلما فكرت في الطلاق لتنجو بما بقى من عمرها من جحيمه.. تعالت أصوات الناصحين : “أصبري.. ماتسيبيش شقا عمرك لواحدة غيرك تاخده منك على الجاهز.. ما تخربيش بيتك بإيدك !!”
???? ??: غير مصنف
ومن عبادى من اغنيتة لفسد حالا ومن عبادى من افقرتة لفسد حاله
هو . . الثروة تفسد العفريت
هى . . زكرنى موقف ناصحيها برغبة لاعب القمار فى عدم الأنسحاب بغية التعويض فيظل يخسر ويخسر
هل يمكن لأحد ان يكون خائنا بالفطرة?
الطائر الحزين
ومن عبادى من اغنيتة لفسد حالا ومن عبادى من افقرتة لفسد حاله
ده جزء من اللي قصدت اقوله في التدوينة
شكرا لمرورك
أ. محمد عبد الغفار
هي الثروة فعلا بتفسد العفريت.. ولا بتظهررالفساد اللي كان مستخبي جواه ومش باين؟ … ولا هي بتحول الكملاك لعفريت؟ ولا بتوقع قناع الملاك من على وش العفريت؟
الله أعلم
أنا فعلا مش عارفة
أما هي فتشبيهك لناصحيها في منتهى الدقة والجمال.. المشكلو انهم مش عارفين يحددوا فين المكسب والخسارة أصلا.. خراب البيت في نظرهم هو الطلاق فقط.. أما استمرار الزيجة بالوضع الموصوف مش عارفة فعلا ايه المكسب الي شايفينه فيه؟
نورتني حضرتك
أحمد نصر
مش عارفة يا احمد فعلا.. لما الواحد يكون محترم علشان معندوش فرصة يبقى مش محترم.. يبقى المشكلة فين؟
لما الواحد يعمل المصيبة اللي هو عارف كويس انها مصيبة.. وضميره ميأنبوش ولا يبقى عنده أدنى رغبة في انه يبطلها.. بل ويخدع ويكذب على من يرغب في مساعدته فعلا.. ويهرب منهم .. يبقى ايه؟
انا فعلا مش عارفةى. يمكن كلمة الفطرة مكنتش مناسبة.. بس انت شايف البديل ليها ايه؟
حلو اوى المعنى ده بس فيه حسابات كتيير بتتعمل و اغليها ماديه و اخرى خاصه بالاولاد … لو تقدر تستغنى عنه تماما و تعيش حياه مستقرة بدون مشكل يبقى تعمل ده و تسيبه للتانيه .. و الى خدته القرعه تاخده ام شعر
هي فعلا اكبر مشكلة بتواجه الزوجة في الموقف ده هي المشكلة المادية.. خصوصا اللي ما بتشتغلش.. وخاصة ان الزوج بعد الطلاق غالبا لا ينفق على الابناء زي ما بيكونوا في بيته.. والرجالة اللي من النوع ده غالبا ما تستغل وضع الزوجة ده أسوأ استغلال..لانه بيبقى عارف ان مفيش قدامها خيار تاني غير الاستمرار على اي وضع..
بس احلى تعليق اتقال والله .. اللي خدته القرعة تاخده ام شعر.. هههههههههه.. عندك حق والله
ما شاء الله
ايجاز ما بعده
كادر متكامل
، لكن ارى ان الوضع الحالى هو اكبر الخسائر فهناك صغار فقدوا حقهم في أن يربو دون أب ويعتمدو على امهم ونالو بدلا منه أبا خائن لا يعرف ولا يقدر نعم ربه عليه ولذلك فعواقبهم - وهذا ما ارى - اقسى
أحمد سلامة
وهذا ما أراه أيضا
وأري أن “خراب البيوت” من وجهة نظر المجتمع هو أسلم الحلول في هذا الوضع لكل الأطراف
الأب يمكن أن يعيش حياته بالطريقة التي يريدها
الأم ترتاح من الآلام اللي عايشة فيها..ومسلسل الخيانة والإهانة المستمر
والأبناء حيتربوا بين أب وأم بيحبوهم … وان كان كل منهم بيحبهم بطريقته … بدل ما يتربوا وهما غرقانين في المشاكل والخناقات… ومتشتتين ياخدوا صف مين..
جميل الموضوع …
بس ليه دايما الانحياز فى مصلحة المرأة ضد الرجل !!
اقصد يعنى ليه دايما الراجل هو اللى وحش . ؟ حتى في القصص ؟!!
مش مسألة انحياز في صف المرأة.. السلسلة اللي باكتبها بتتكلم عن مشاكل البيوت عموما .. وحتشوف ده بوضوح أكتر يمكن في البوست اللي بعد ده …
بس يمكن علشان انا بنت وأغلب اللي باسمع لهم بنات وسيدات .. فمطلعة أكتر على مشاكل المرأة في مجتمع لا ينصف المرأة بالقدر الكافي.. وتقاليد سلبت المرأة حقوق وهبها لها الله تعالى.. ويمكن مقدرش اكتب عن مشاكل الرجل في البيوت بالشكل المنصف ليه.. فلو حد يتطوع ويكمل النقص ده ويكتب بموضوعية عن مشاكل الرجل.. ده حيكون إضافة ليا ويبقى جزاه الله خيراً..