مهند في مجمع الافنيوز
بعد مرور 29 يوم في المساجد والاعتكاف والبكاء ، بعد 29 يوم من قراءة القرآن وحضور جميع الصلوات الى المسجد بعد 29 يوم من سكن تلك المساجد
نكتشف أن رمضان شهر النفاق وليس العبادة ! فغالبية الناس ممن عاشوا أيامه كانوا يعيشونها لانها لحظات ولان اعتقادهم بان الرب هو فقط رب رمضان والتقرب اليه فقط من خلال هذا الشهر
نكتشف ان البكاء ماهو الا لحظات .. نكتشف ان الجميع يعلم الغيب ويعلم أين هي ليلة القدر وتحديدا في السابع والعشرين (سبحان الله يعلمون الغيب وبعلمون ان هي ليلة القدر) فتجدهم هجروا المجمعات والاماكن التقليدية وتوجهوا الى المساجد حتى يكون لهم الشرف في ليلة تكون خير من 1000 شهر !!! وبعد هالليلة عادي ارجع الى المسخرة لانني عشت 1000 شهر في رصيدي !!! يا سبحان الله
اشاعات او حقيقة وصول مهند ولميس الى مجمع الافنيوز امس وسط صراخ وهتاف من قبل مراهقين عرب وكويتيين يدل على ان هذه الفئة هي فئة وجيل سخيف لاعقل ولادين له .. يعني أنا بفهم شي
مهند لما تشوفونه شنو يعني شايفين رسول ولا نبي ؟ هل هو راح يدخلكم الجنة ؟ ويعصمكم من النار ؟ هل هو شرف النظر الى وجهه الكريم ؟. ام مجرد مصافحة يده الطاهرة ؟
شهالسخافة اللي انتوا عايشين فيها ؟
شنو هالجيل اللي بعد سنوات من الان المفروض ان يدير دفة هذا البلد ؟
دم .. تكسير .. تخريب .. شغب
يعني اذا صار المجمع والاماكن الاخرى للعائلات فقط صوتكم طلع وقلتوا ليش بس العائلات واحنا عيال خدامة ؟ واذا صار الامر مفتلت صرتوا مثل البقر ماتعرفون شتسوون
جيل فاسد … جيل مسخرة
منطلقة بطموحي Says:
اي انا سمعت ان امس بالليل تم اغلاق الافنيوز بسبب هوشة شباب و بنات
الله يهديهم و يكبر عقولهم !
شاكرة لك اخوي عالتدوينة
Posted on October 2nd, 2008 at 3:29 pm
________________________________________________________________
Mansour Says:
اذا هالجيل وصل لي هالدرجة من السخافة والسطحية وعدم النضج.. شلون عيالهم واحفادهم بيطلعون؟
Posted on October 2nd, 2008 at 5:02 pm
________________________________________________________________
Shaima'a Says:
مو شي جديد على ربعنا
كل سنه على نفس الحال من يخلصون ليلة القدر غيروا توجههم من المساجد إلى الحفلات و المجمعات
والله ساعات تشوف اهي نفس الوجوه اللي مداومه على التراويح و الاجيام اهم نفسهم اللي يحوسون بالمجمعات و الحفلات ليش ما تدري ان ربعنا من النوع اللي من طق طبله قال انا قبله
و الواحد ما يشمل الكل و لكن البعض منهم تلاقيهم يروحون المساجد عشان ثاني يوم يقولون و الله كنا رايحين المسجد و اعتقد انهم خذوا هالشي عرف بشهر رمضان لا اكثر ولا اقل لا و تلاقيهم يتعنون حق المسجد الكبير عشان المقرأ الفلاني يعني الله معبود بأي مكان و باي مسجد و الخشوع لذكر الله سبحانه مو عشان صوت هالمقرأ
و ماصار هالمهند… ما خلصنا من سالفته لي الحين
آآآآآه و يقولون شفي حال الديرة متردي و ين ينصلح حالنا!! و الله محد رادنا ورا اللا هالنوعية عسى الله يهادهم
Posted on October 2nd, 2008 at 5:09 pm
________________________________________________________________
Purgatory Says:
“شنو هالجيل اللي بعد سنوات من الان المفروض ان يدير دفة هذا البلد ؟”
وايد متفائل
:)
Posted on October 2nd, 2008 at 5:21 pm
________________________________________________________________
Rakaan Says:
LOOOLL 7aaass feek .. allah yloom elly yloomik ;D
Posted on October 2nd, 2008 at 5:25 pm
________________________________________________________________
Purgatory Says:
link
الهوشة بسبة صباح
;p
Posted on October 2nd, 2008 at 5:54 pm
________________________________________________________________
hohoo Says:
وليي
ترى الايمان الزايد الي عندك هذا هبة بالكويت بدت من 2002
يعني ماخلصنا من هالمطاوعة بالشوارع يايلي تكمل هني!!!
Posted on October 2nd, 2008 at 6:04 pm
________________________________________________________________
نواف Says:
هدي اعصابك ..
رمضان لمن صامه خير .. ولمن قامه خير بإذن الله ..
أما النفاق فربك أعلم بما تخفي الصدور والتعميم عمره ما كان صحيح وان شاء الله اللي شفتهم في اضعافهم فيهم كل الخير ..
غيرة تشكر عليها
Posted on October 2nd, 2008 at 6:46 pm
________________________________________________________________
Cat Says:
jeeeeeeeeeeeeeeeeel mas5ara … as u said :)
bs u better exclude some :)
Posted on October 2nd, 2008 at 9:18 pm
________________________________________________________________
ar53nal14 Says:
Ana ma agool ela, meta Noor season 2? :P
La la bas chethey! Etha C.Ronaldo ya il Avenues ishbe9eer 3ayal? Hwaash o 6ag! Maskeen Ronaldo raa7 yet3a8ad!
Posted on October 2nd, 2008 at 9:51 pm
________________________________________________________________
Frankom Says:
الاخ اللي طالع فيها ونط يقول إيمان ومطاوعه
يعني الواحد لازم يصير مسخرة مثل يعض الناس ولامايكون عل الموضة اللي انت تبيها ! يا أخي اذا انت ناسي ربك وكله مسخرة هذي مشكلتك واذا انت مو عاجبك الوضع اللي بالديرة ومو قادر تعدله هم كيفك اطلع من الديرة
أنا مو متأسلم مثل الكثير ومو ليبرالي مو عارف وين الله قاطه مثل بعض الجيل الجديد اللي يقولون احنا ليراليين ولا شيوعيين ولا متأسلمين واصلا اهم مايعرفون شنو هالكلمات او محتواها
ما اقول الا
غفر الله لك :)
Posted on October 2nd, 2008 at 9:56 pm
________________________________________________________________
Stafa Says:
man wallah 9a7 lsaanek!
Posted on October 2nd, 2008 at 9:59 pm
________________________________________________________________
Frankom Says:
صح بدنك ، شكرا
Posted on October 2nd, 2008 at 10:27 pm
________________________________________________________________
laloya Says:
الله يستر على عيالنا
Posted on October 2nd, 2008 at 10:59 pm
________________________________________________________________
roberto cavalli Says:
والله أخوي كلامك كله عدل الشباب إذا كانوا بمنااسبه لازم يتهاوشون ما ادري لييش !!
المفرووض العكس
و أبشرك بنفس اليوم انا رحت سينما بشرق و صارت هوشه جداام عيني @@ بناااااات يتهاوشون و طق على مصفط و المفرووض المصفط يكون لي لا لهاذي و لا لهذييك بس خليتهم و مشيت:)
ربك حاافظ هالديره…
Posted on October 2nd, 2008 at 11:05 pm
________________________________________________________________
ABDULLAH Says:
قسما بالله ما طلعت بالعيد اللهم الدواويين الي هي ابرك من الاماكن الحلوه الوصخه
لاني اعرف شراح القى جدامي من مسخره
فرانكوم بردت على جبدي
والله يستر من الي جاي
Posted on October 3rd, 2008 at 1:58 am
________________________________________________________________
KuWaIt MaStEr Says:
الله يعينا على جيلنا اليديد جيل مليان سخافات
Posted on October 3rd, 2008 at 3:25 am
________________________________________________________________
basel Says:
طبعا مهند هو المثل الأعلى للشباب … هو أمل المستقبل … هو آية الجمال … هو المثل الأعلى الذي يجب الإقتداء به ، وبخلقه وجماله.. يعني اذا اشاعة سرت بوجوده ، وحدث هذا الهرج المرج… ماذا سوف يجري ان كان موجود؟!!! سوف تتدافع الجماهير الغفيرة من كل حدب وصوب ليلمسوا يده أو حتى ملابسه ولن يغسلوها حتى لا تضيع البركة
Posted on October 3rd, 2008 at 9:01 am
________________________________________________________________
zatoichi Says:
اللي صلى برمضان وتعبد هذا لله مو للبشر واللي اخذ الشغله رياء وقلبه غافل عند ربه حسابه البشر ماراح تنفعه
سالفة هوشة الافنيوز الحين الديرة بكل مكان فيها هوشه وافتح الجرايد واقراء وقفت على هذا المجمع
لافيه تربية ولااخلاق معناتها اهمال بأهمال بأسر هذولي الشباب
وتبي الصراحة المجمعات من يقدر يروحلها ومايفتتن حتى المتحرر بدرجة معقولة مايطيق الجلوس فيها
Posted on October 3rd, 2008 at 2:39 pm
________________________________________________________________
Frankom Says:
انت قلتها لا اخلاق ولا تربية واهمال من الاسر واذا كلمت واحد منهم قالك يهال خلهم يستانسون
Posted on October 3rd, 2008 at 6:17 pm
________________________________________________________________
Moey Says:
What got my interest is that chicks in kuwait wear less clothes now lol
Posted on October 4th, 2008 at 5:36 am
________________________________________________________________
Mad Reds Says:
لا حول ولا قوة إلا بالله
شباب مصخرة .. و الصراحة بغيت أكتب موضوع كامل عن مصخرة الشباب .. لكن موضوعك كفى و وفى
..
ليش تروحون الأفينيوز حق المصخرة ..
روح ماك إلي يم الجمعية .. مصخرة و سخافة مالها أول ولا تالي ..
..
تشعر بالقذارة لمن تطالعهم .. شبابنا اختربوا و ضلوا الطريق ..
..
على العموم تقبل الله طاعاااتكم .. إلي فعلاً صام لله تعالى ..
صام لـ إعتقاده بالقرأن و السنة ..
..
و لمن نافق .. فـ إن شاء الله يأخذ جزااه من ربك ..
..
تحياتيـــ
Posted on October 4th, 2008 at 12:22 pm
________________________________________________________________
Ice Says:
نصيحه للجميع الابتعاد عن اماكن تجمعات الشباب البطاليه و هي: المجمعات الي فيها سينمات و شوارع الحب و الخلبج. صدقوني من خفيت عن استخدام الشوارع المذكوره و قللت من الذهاب الى المجمعات الا للضروره ارتحت نفسيا” و ما قمت اعور راسي بتفاهات الشباب و قصات شعورهم الي تضحك. و شكرا”
Posted on October 5th, 2008 at 6:01 am
________________________________________________________________