لا يزال تعريف “مطوع” موجود بشيء من التخلف لدى بعض الأشخاص ..

و مبروك الثيم اليديد يا رفيجي المطوع ..

للأسف صارت كلمة مطوع كلمة غير محبوبة بسبب تفسير الناس الخاطئ لها

إلا بقول لك أبو حبيل…

أنت مطوع؟
تشرب بيبسي؟
تدخن؟

مالفرق, لو أختلفت الأجابات؟؟!

تفسيرهم خاطئ كما ذكرت يا ابو حبيل أنت يالوردة

هووو لكن انته مطوع

انت مطوع ؟

اذا المطوع يكون عن طريقة استخدامه للنت

فاللي ما عنده نت و مو مطوع يقولون له مطوع ؟؟؟
ههه

و مبروك الثيم اليديد يا رفيجي المطوع

للأسف الناس لازال عندهـا تصنيفات والمصيبة في ناس استفادت من هذه التصنيفات وصارت تقصر ثوبهـا وتتطول لحيتهـا فقط عشان تكسب ثقة النـاس وتلعب بذيلهـا ، والأدهى أن النـاس لازالت تهتم بالمظاهر والأمور الثانيـة ماعليهـا منهـا
عمومـا تشرفت بزيارة مدونتك يامطوع :grin:

What am I then?

أحمد ،،
الله يبارك فيك ..يال.. مطوع نفسي بعد ل
بالنسبة للتعريف..
أصلاً ما في تعريف..بناء على تصرف واحد او موقف واحد ..يصير كل شئ

هيثم ،،
مطوّع = متخلف الحين ..
خلنا نشوف الـQuiz مالك ..
أنت مطوع؟
ما ادري
تشرب بيبسي؟
لازم
تدخن؟
ساعات ..

ويش صار الحين ..؟ طلعت مطوّع؟
اذا كل واحد يقيس على كيفه..نجحنا ..

lizardo :
اي مطوّع.. ما يركب عليي يعني ل ؟

Dr.Silent :
اي انا مطوّع انت بعد .. وش فيكم مو مصدقين ..
لا يقول لك الانترنت واحد من النواحي اللي ممكن يقيمونك على اساسها .. :razz:

minus :
keep logging to chat rooms, and listening to music,
and you will be a bad girl in our community.

I listen to music but I don’t log into chatrooms.
Am I semi-bad?
Does smoking and drinking make me a bad person?

Hell! I’m the devil!

Well,
You are totally bad, since you declared that you listening to music..

Smoking and drinking will make you MORE bad

ماشي صح :grin:
توي ملتفت للتعليق ..كان في الحجر الصحي ويا الـSpam

عموماً لا شك ان هناك استغلاليين في المجتمعات ..
لكن هالنوعية بالتأكيد هي الأسوأ ..

ما قالوا عنك مطوع الا واثقين فيك ..
و خيانة الثقة .. من هالنوع..مشكلة ..

تحياتي لك ،،

ما شاء الله اشوف المطاوعة اجتمعو بهالتدوينه
على العموم مفهوم كلمة مطوع نتاج تفكير نمطي اجتماعي معين البسه لمجموعه معينه من الاشخاص وانسحب هذا المفهوم فيما بعد وتوسع واصبحت له صيغ اخرى واستغل كذلك لامور لا علاقة لها بالتدين .. وان كنت لا اوافق عليه وافضل عليه كلمة ملتزم .
تدوين موفق ودمت بود

لا تنسى يا بو حسين الناس أصناف و انواع و كل واحد ليه آرائة الخاصة و تفكيرة الخاص و نوعية التصنيف مالتة الخاصة , بس يمكن كان يمزح ولا شيء ولا يلطف الجو >_> (( و على فكرة بعض الناس يكرهون المطاوعية و خير دليل في المدرسة P: ))
:smile:

اتذكر يوما كنت اعمل مع أحد العلماء الكبار على مشروع لخدمة المجتمع له علاقة بمجال تخصصي
وحينها قرر هذا العالم أن يجعلني رئيس فريق العمل لهذا المشروع!! وعليه فإن مجموع الطاقم كان 4 معممين و6 شباب ملتحي!!
وإذا بإحتجاج شديد اللهجة من أحد المعممين ورفض قاطع لشخصي أن أتزعم الفريق لكوني ” فاسق” !! أي بدون لحية !! حيث إنني احلق لحيتي على الآخر!!
ولكن شاءت مشيئة الله ان يتدخل العالم الجليل في الموضوع وامامي مخاطبا المعمم الذي رفض قبولي في الفريق:
“من أنت لتوزع صكوك الايمان!! انت مطرود من الفريق لأنك لست أهلاً للدخول فيه وعليك ان تعي ان الكثير من العمائم والمعممين ليسوا اهلاً لهذه الامانه والكثير من الاشخاص العاديين الذين لايضعون اللحى هم أكبر وأكثر إيمانا منهم.

محمد الشهري :
المفهوم أصبح متشعب الآن ..
أحياناً كأنه وسيلة للسخرية من شخص معين..
أحياناً نجد أنه وسيلة للمدح والثناء..
هو عموماً يختلف بحسب نظرة الشخص الى المصطلح والى الالتزام والتدين عموماً..

Argale :
صدقت يا محمود ..
هو نظرته من هذا النوع ..لكن هذه النظرة منتشرة في المجتمع ..
بالنسبة لمسألة يكرهون أو لا ..هو بحسب نظرة الشخص للملتزمين عموماً !

الرياش :
موقف معبّر يلخص معاني كثيرة ..
لفت انتباهي من جديد الى مسألة المظاهر..
ربما تكون موضوع تدوينة قادمة !

–

شكراً لتواصلكم :smile:

قريت الموضوع من جم يوم، وكل يوم يفتر بمخي… !!

امممممم أول شي تذكرته.. يوم تعرفت عليك ببداية أيام التدوين

أتذكر أول انطباع كان عندك عني إني _فري_ ??:

بس عقب ما تعرفت علي أكثر مادري اذا غيّرت هالانطباع أو لا _ ترى اذا ما غيرته مصيبة _

أسمع أغاني.. إيه!!!
أدش جات.. ساعات على حسب المود !!

على هالتقييم أنا طلعت من أسفل السافلين والعياذ بالله

أشرب ببسي
ساعات..
أدخن
لاااااااااا

على هالتقويم الثاني طلعت نص مطوّعة

السالفة مو سالفة ان الالتزام او التطوع غلط..
السالفة انه الناس تستخدم هالموضع لكل انسان يحاول انه يلتزم
ويبتعد عن سوالف الخرابيط
يهتم بحياته وببيتهم وباسرته
ويحاول يعطي الجانب الروحي من حياته اهتمام..

والشي الثاني
انا من النوع من الناس الي عندهم نظرة للمطوعين.. لان ما يحتاج اعيد وازيد
على الرغم من ان أول انطباع عنّي عند البنات _مطوعة _ :shock:

بالنهاية..
الدين عندي.. وبالنسبة لي
مو الي يطلع قدام الناس
لكن الدين الي يطلع جدام روحك
والاقتناع بكل خطوة وكل عمل اتسويه
مثلاً
أنا ما اروح اصلي في المسجد عشان الناس اتطالعني
انا اروح اصلي في المسجد لاني أولا ابغي هالشي..
ثانياً لان الله الي يطالعني ويسّجل حقي

وعلى قولة أحلام مستغانمي _كاتبتي المفضلة_ بما معناه ان
الناس الي يظهرون دينهم كله على وجوههم وللخارج
هذيلا ناس فاضيين من الداخل !!

آخر شي…
Personal Messge
لا تهتم حق الي يقول لك مثل هـ التعليقات
ولا تعطيهم ادني اهتمام
لانها تعليقات اولا بدون معنى وغير منطقية
ثانيا لان كل انسان مختلف يحاربونه
وانته بنظري و من معرفتي البسيطة فيك انسان مختلف بطريقة جيدة

Keep Blogging My brother

هذا الرد اللي فوقي هذا خوش رد ..

خلنا نتفق على شئ ..
المظهر قدام الناس مهم أو لا ؟
خلنا نقول مهم ..لسبب او لآخر ..

الناس وش بتطالع .. وش بتشوف؟ صلاة الليل؟ لو صدقات السر؟
بتطالع المظهر و ما “يظهر من تصرفات”

في هالحالة ..نجي نقول لا تاخذون هالجانب من حياتنا ..
احنا نصلي و نصوم و كل شئ..
وش ردة الفعل ؟ ..اللي يقول هالكلام يخربط..

يمكن الكل فهم اني ضد هالتقييم اللي يصير..
يمكن انا ضده بشكل ما ..
لكن اتفق وياه في نواحي ..

لا نخلط بين المظهر الصحيح و الرياء ..
والله فلان يحب يطلع بمظهر معقول قدام الناس..بدون مزايدات..و بدون ما يكون هدفه انظار اللي حوله..مجرد هذا اسلوبه..
و فلان الثاني على العكس ..المظاهر عنده اهم ..هذا مو موضوعنا..و لا المفروض احد يفهم موضوعنا جدي ،،

بختصر شوي واحس ان فكرتي ما وصلت ..
مو غلط ان الواحد يظهر للناس بمظهر انه ملتزم او على الاقل يحاول يلتزم !
الناس ما بتهتم لاقتناعك و لا لشغلك بينك و بين نفسك ..
هذا مجتمعكم جدي .. و عنده حق ساعات..

آخر شئ …
مو بالضرورة اهتم لكل شئ..
لأن في اراء واجد ..تنحط في خيشة بصل..
لكن على الاقل اهتم للوضع العام و شلون يفكر
:smile:

keep تعليقــing

امممم

اشوه عجبكم الرد خبري هاايام كل شي اسويه منعفس

ههههههه مو فضيحة بدون معنى
قاصدة من وراه شي
أبغي أعرف الانطباع الي عني الحين
بس إنته “نحيس”

أكيد المظهر مهم
ولا ما كان فيه شي اسمه الfirst impression
وياك في هـ النقطة…
ولا واحد بيرضى يسوي شي قدام الناس يسئ له…
لكن بعد بالنهاية ما بتّخذ قرار مصيري لمجرد تقليد الناس أو كلام الناس !!!
اذا الشي ما جى من إقتناعي أني
وما جى من رغبتي أني
عند الله أكيييييييد مو محسوب !!!!
وفي هالحالة رجعنا لنقطة الرياء !!!! في الدين ها !@!@!@

اممممم في هـ النقطة انا وياكـ ما راح نتفق لأن سبق وتكلمنا فيها _بلا تنغيزات يعني_

الفقرتين الي ورا ما فهمتهم صراحة
ولا فهمت قصدك

أدري تتفق ويا الاغاني والجات بس ما تتفق ان كل واحد ما يسمع اغاني او ما يدش جات انه مطوع
وانزين مو كل واحد من مثلي يعني صايع او فلتان أو ما يدري عن دينه وربه شي…
تدري شي… تقرفني هيكـ اتهامات !!
ناس يازعم مصليين وقايمين وما يسمون بالمطاوعة الصدق
لكن اسمع سوالفهم من تحت لي تحت !!
يعني الديرة كلها حاطتهم فوق راسهااا انهم شباب المستقبل على قولة سبيستون
بس احنا الي من كبرهم الوحيدين الي ندري عنهم ويزيد قهرنا قهرر ان اهم بالنهاية الي يطلعون ما فوقهم فوق..

أحنا احس وصلنا لمرحلة الي من جيلنا وكبرنا
ما يحكمون على الواحد من الظاهر.. نحكم عليه من الداخل..!!

بتقول لي المجتمع؟!!
المجتمع ولا عقب ستين سنة تتغير مفاهيمه…

انا الي يمكن انته أو غيرك يفكرون اني أبعد ما يكون عن التطوع
في ديرتنا… العكس !!
الشاطرة،
الي تروح الماتم،
ما تطلع من بيتهم،
ربعها ولاد أوادم ،

هذي عندهم المطوعة…!!
مع اني مو لابسة قناع التطوّع ولا يهمني أحد ياخذ هيك فكرة عنّي..

ووحدة ثانية للاسف كانت صديقتي
بنفس المواصفات

ولكن… انته اخبرر…

وبعد عندهم مطوعة…. !!
والمشكلة انها متلبسة قناع التطوّع من جميع جهاته..

بذمتكـ.. مو شي يقرفك من كلمة مطوّع ؟؟
أصلاً من له الحق يحكم على الناس ويفصلهم على مجموعات على كيفه ؟!!!!!

وياكـ ” يمكن” في آخر جملة…
أهم شي عندي إن محد يمسني بكلمة (غلط) أو شي (موفيني)
فيما عدا ذلكـ ما يفرق حجي الناس وترهاتهم عندي !!

أدري إني (( واجد إستنيت )) في الموضوع
بس حبيت أبيّن وجهة نظري
الي يمكن ليحين مو واضحة

أرق تحية
الحرة للأبد

عصر الخير ،،

الانطباع ما بقوله الحين

نرجع للمظهر ..
أبداً ما في تعارض بين السلوك الحسن و المظهر الحسن ..
لازم شوية ثقة .. “شوية” ..لأن اذا كثرت الثقة ..ما بيكون اهتمام لهذا المظهر..
النظرة العامة ..المظهر يعكس الشخصية..شئنا أم أبينا ..

نقطة ثانية ..
شلون نحكم على الشخص من الداخل ؟
الحكم على الجوهر ما يتحقق الا بالمعرفة و المعاشرة..
الحين انا ما اعرف “الحرة” ..و لا هي تعرفني..بشكل كامل (جوهري/من الداخل)..

وش نظرتي ؟ لو أحد سألني عنها ..وش متوقع مني اجاوب؟
بجاوب على قد ما اعرف من الشخصية الظاهرة ..
و هذا شئ ثابت ..

نقطة ثانية مهمة ..
المجتمع و تفاوت نظرته لل”مطوّع” .. < < بديت اتملل من الكلمة ..
اذا دخلت من هالعنوان ما بخلص..

لكن في ثوابت ..احكام شرعية واضحة..
مهما كان المجتمع منفتح..مهما كانت البيئة تسمح ببعض التصرفات..
” اذا حچى الشرع الكل ياكل تبن ” ..
هذا يلخص فكرتي بصورة جيدة..
side note : مو نغزة بخصوص الأغاني..نظرتها ليها من جانب ثاني بعد ..

النقطة اللي بعدها..
ناس معروفين بأنهم من فئة معينة .. = “مطوّعين” .. <<آخر مرة استخدم هالكلمة ..
اذا هالناس ..استغلوا الوضع استغلال خاطئ..هذي مشكلتهم ..
مشكلتهم هم .. رغم انها تولد مشاكل معينة في المجتمع بعد ..

(( من له الحق يحكم على الناس ويفصلهم على مجموعات على كيفه ؟!!!!! ))
ببساطة اي واحد في المجتمع ..له الحق يرتب الناس و يقسمهم ..حسب نظرته وتفكيره ..
لأن على اساس هالتقسيم..بيتم التعامل .. صح لو ؟

عموماً..
عندي انا بعد ما يفرق..بدرجة معينة ..كلام الناس.. “ما دام ايجابي وواقعي” ..
خل يصنفون براحتهم..

:smile:

صباح الزهور

??: يالنحيس..

النظرة العامة ..
شنو مفهومك أولاً للنظرة العامة ؟!!

مو المفروض ان الواحد يقول شي زين او يسكت ؟!!
يعني الي ما يعرف أحد من قلب
المفروض.. _ وهذا الي مو قاعد يصير _ انه ما يحكم عليه ولا يعطيه اي صفة !!!

امممممممممممم كلمة (مطوع) من مفهومي انسان متزمت ، وما فيه عنده اي مجال للحوار والتفاهم

” اذا حچى الشرع الكل ياكل تبن ” ..
وياك في هالشغلة.. انزين المفروض ان الواحد ما يفتي ولا يناقش في الاشيا المسلة شرعا والبديهية في الدين
يعني انا ما بجي وبحلل الاغاني على كيف كيفي
ولا بصير مثل الملكة رانيا وبقول لك الحجاب اختيار ومو واجب !!

أكيد بتولد مشاكل معينة
ومنها ان كلمة (مطوع) صارت للمطنزة وصارت للوجه الظاهري بس..
مافيه احد مطوع 100% أو معصوم من الخطأ 24/7
فـ شلون تتوقع شريحة كبيرة من الناس يثقون بهالكلمة وبهالاشخاص وانته أخبرر بسوالفهم وماله داعي أعيد وأكرر

أفضّل إن تطوعي والتزامي يكون بيني وبين ربي وبس..

أحياناً ناس قريبين مني جداً يستغربون مني اذا جافوا اني اعرف في موضوع ديني معين
أو اذا صادوني وانا في غرفتي بروحي اقرا كتاب _ مو رواية ولا ديوان شعر _
تدري ليش؟؟

لأن أحس دايما هالموضوع من خصوصياتي ولا يحق لأحد يعرف عنها شيء
مثل ما قلت وارد اعيد واقول
هالشي بيني وبين ربي بس
وبقية الناس تاكل تبن على قولتك

يمكن يكون الي قلته قاعد يصير
لكنه مو (حق) لأنه انتهاك لحرية وخصوصية وحقوق الآخرين !!
وكل واحد بيعامل الناس بالطريقة الي تعجبه
وبيقسمهم في مخه
لكن السالفة غير كلش غيييييييرررر اذا طلعها بلسانه !!

Any Way
آخر جملتين أتفق معاك فيهم كلياً..

وسوري اذا عورت راسك بالردود

الحرة

ضحى الخير ،،

النظرة العامة ما لها مفهوم بعد ..أي واحد بيشوف أي واحد .! بياخذ عنه نظرة عامة..
مو سالفة يعطيه صفة ..او شئ جدي..كل واحد في نظرته لأي طرف ثاني بناء على اللي يشوفه فيه ،،

(( كلمة (مطوع) من مفهومي انسان متزمت ، وما فيه عنده اي مجال للحوار والتفاهم ))
حلو ان قلتين “من مفهومي” ..يعني هالمفهوم مختلف من شخص لآخر..

بما ان ما نقدر نناقش الاحكام الشرعية الواضحة..أقلها نسوي الغلط ونقول هذا ..غلط ;-) ..مو نغالط الواقع و نقول ما فيها و نجيب مبررات كل واحد أوهن من الثاني ..

هي فعلاً اللي صاير..ان الواحد يفضل يخفي الجانب الديني منه لنفسه ..
امممم مو لازم يطلع بين الناس على انه المؤمن المتزم..بس بالمقابل لا يطلع قدامهم ..بالعكس !

(( أحياناً ناس قريبين مني جداً يستغربون مني اذا جافوا اني اعرف في موضوع ديني معين
أو اذا صادوني وانا في غرفتي بروحي اقرا كتاب _ مو رواية ولا ديوان شعر _
تدري ليش؟؟ ))
ليش؟ لأن عطيتينهم فكرة غير الواقع ..طبيعي يستغربون ..
اتفهم طبيعة هالتصرف ..من جدي ما بعلق عليه :grin:

نعم ممكن اذا الواحد اخذ فكرة عن شخص مو مناسب تطلع على لسانه الا اذا كان متاكد .. :smile:

و شكراً على التعليق ،،

يا مرحب الساعة

والله موضوعك يا علي جذبني شوي

و حكمك غلط 100%، لأن مو كل من يدخن او يسمع اغاني زقمبي و خالس و فاجر و فاسق على حد تعبيرك، و لكن هناك مقاييس.

على كلٍ انا عن نفسي لا اشتهي المطاوعيه ولا اتعايش معاهم، ولو بودي حطيتهم في خياش و حرقتهم كلهم.

في أمان الله..

هلا والله ،،

لااا مو انا اللي اقول جدي ،،
الناس تقول جدي ..

بس اقول لك ساعات يصدقون فيها ..

و المطاوعية صدقني لو تسأل فئة منهم بيقولون لك ما يطيقونك ..100% حصلت ناس عندهم وجهة النظر هذي ..

حياك الله

وجهة نظر موجودة للان للاسف

[...] سمعـت جم بنية يتكلمون عني يقولون  ! هذي شاطرة و ستايل بس مطوعة .. هــا ! الحين اني مطوعة  قمت اضحك الصراحة ما توقعت ان احد بقول عني جذي !  بعدين ليش بس .. يعني التطوع عيب و فهمت من البنية اني مطوعة لأن ما اسمع اغاني و ما اتكلم في سوالف خربوطية ! هههه .. و الله دنيا على طــول تذكرت موضوع علي 7 [...]