ان لم تكن (رجل) فافعل ماشئت
في هذا الزمن الامثال والاقاويل لابد لها من ان تتغير لتناسب الوضع الراهن الذي نعيشه .. فالمقولة الشهيرة هي ان لم تستحي فافعل ماشئت ولكن نقولها هنا اليوم لاشخاص لايستطيعون تحمل مسؤولية أعتقدوا انها في بداية الامر مجرد لعب ومرح ! وتناسوا ان مهنة الصحافة لابد لها من ان تكون ذات أبعاد ومصداقية
جاء رد صحيفة (الوثن) اليوم ردا على ماقاله الصقر لوكالات الانباء عن نشر تلك الصور له التالي
شوفوا رد الوطن .. بالله عليكم هذا رد من صحيفة عريقة بالكويت ؟ هذا رد من محررين المفروض انهم يعملوا بصحيفة كتلك ؟ شوفوا سيقولون .. استشاط الصقر لاسباب غير مفهومة !! أسباب غير مفهومة ؟ خافوا ربكم .. لو جريدة (الجريدة) ولا القبس تنشر صور للخليفة بحفلة وبعدين تحط صور بطول و بنات وبعدين تقول شفيكم ياجماعة ترا انتوا فاهمين غلط !! ياسلام !! وين صارت هذي ؟؟
بعدين شوفوا الحجة الثانية .. (الوثن) تستغرب ان يفهم الصقر ان الويسكي والكرتون حق الصقر !!! (ياشيخ) على قولة (بلوق عمتي) يا شيخ … الكويت كلها فهمت هالنقطة .. ما أقول الا أستريح .. ياي بتكحلها يعني ؟
على الاقل افصل المقال عن المقال وخلي كل مقال بصوب أو عدد ثاني
وآخر شي شوفوا الطنازة اللي يتطنزون فيها على الصقر (تلميح انه مايعرف ربه) .. يقولون يمكن بصلي الفجر وما لحق على الجماعة !! هذا رد بالله ؟
لا تكفون .. أشوفكم تارسين مساجد الكويت ؟ ماشاءالله عليكم الايمان والتقوى باينة على ويوهكم
وأرد وأقول
ان لم تكن رجل فافعل ماشئت
عبدالله سليمان Says:
ورد في الحديث النبوي : إذا لم تستح فاصنع ما شئت .
وصراحة قولهم أن صورة الكرتون نشرت لأنها وجدت بالموقع بعيد جداً عن اللباقة الصحفية والعمل الصحافي فلايمكن نشر شي مالم يكن هناك رابط ، ومسألة نفس الموقع ليس برابط ( إن زين ) لو لو لقو صورة أرنب يعني يبي ينشرونها .
صراحة وقاحة في النشر ، ووقاحة في الرد .
Posted on October 5th, 2008 at 8:19 am
________________________________________________________________
forzaq8 Says:
ما ادرى شنو متوقعين من رئيس التحرير و كل خبرته انه
ولد صاحب الجريدة
Posted on October 5th, 2008 at 9:35 am
________________________________________________________________
ساخر كويتي ... Says:
لست من مناصرين أي طرف على طرف
ولكن الحق يقال
الخبر كان بايخ وفيه تلميح واضح بالقذف لمحمدالصقر
وردهم على تعقيب الصقر يدل على ان هناك اطفال يقودون الجريدة
فما نقول غير الله يهديهم
تحياتي
Posted on October 5th, 2008 at 10:00 am
________________________________________________________________
Ra-1 Says:
أصلا الخبر مال أمس كان ,اضح إن أسلوبه استفزازي
والله عيب :/
Posted on October 5th, 2008 at 11:31 am
________________________________________________________________
kila_ma6goog Says:
انحطاط
Posted on October 5th, 2008 at 11:31 am
________________________________________________________________
صقر Says:
عسا ما شر اخ فرانكوم معصب على جريدة الوطن؟
ممكن سؤال؟
شمدخل الصقر الفجر بسيارته الصالون مكان نفس هذا الا اذا كان سكران؟؟
غريبه عليه انه يشرب يعني؟؟
ولا انت وايد منافق انك بتخليه وايد زين؟ مثله مثل غيره و لما تفضحه الوطن لانه نائب و يمثل شعب و كان المفروض يشرشحونه اكثر!
و على فكره حبوب, الصقر كان بمكان الحادث و احد افراد الشرطه اهوه الي نحشه لمعلوماتك و بعد ما زرقوه و هو بحاله تهبل صورو الي شفته بالجريده
على فكره انا مو حاقد على الصقر و لكن لنكون عقلانيين شويه و كفانه نفاق, نشوف العيبه و نستر عليها! الى متى
Posted on October 5th, 2008 at 1:26 pm
________________________________________________________________
Frankom Says:
عسى ماشر اتدافع عن الوطن ؟ :) ممكن سؤال ؟
شكو انت ولا أنا اذا الصقر دش الفجر ولا العصر ؟ غريبة عليه ان مايكون سكران ؟
بعيدن سكران ولا مو سكران لا أنا ولا انت لنا شغل هذي حياته . ورجاءا لانصير فيها رسل وأنبياء :) كل واحد عارف نفسه .. عدل ؟
أنا منافق ؟ سامحك الله
بس ممكن نعرف ليش منافق ؟
الفضيحة عندك شي عادي ؟ يعني لا سمح الله اذا انت ولا اخوك ولا اختك كانت بمكان خل نقول مجمع ولا حفلة وصار بهالمكان شي مسخرة وفجأة حاطين صورتك ولا صورة أي احد من اهلك خلاص صار اهو مسخرة ؟ الدين الاسلامي اذا تعرف الاسلام قال هالشي ؟ الله امر بالفضايح ؟
بعدين معلوماتك وايد قيمة ماشاءالله عليك لازم تبيع المعلومات حق الوثن .. عفوا الوطن :)
بس اهم شي انك مو حاقد على االصقر :)
Posted on October 5th, 2008 at 1:57 pm
________________________________________________________________
نواف Says:
ان لم يعجبكم عمله النيابي حللو وانقدو وبينو الخلل ..
لكن فضايح ومصخرة فهذي المصيبة والدين امر بالستر واللي يقرا احاديث الرسول يشوف انه لم يذكر فيها اسم اي شخص اخطأ أو أذنب ..
اين نحن من قدوتنا ؟
وليس هذا دفاع عن الصقر بقدر ما هو منع للمبالغة في الفضايح فاليوم اذا فضحوا شخص عليه مشاكل باجر يفضحون لمجرد الفضيحة والنشر ..
نواف
Posted on October 5th, 2008 at 4:48 pm
________________________________________________________________
uturn Says:
شتتوقع من جريدة صفراء مثل الوثن غير هالاسلوب الصحفي الوقح. المشكلة انهم كل ماكبروا زادوا عيار التشهير والكذب و شافوا نفسهم غير محاسبين وبدأت الجرائد الاخرى تقتدي فيهم مثل الراي وافعالها مع صور الحفلات.
اتمنى ان الصقر فعلا يتوجه للقضاء ومايسكت والبلوغسفير معاه انشالله وبتكون هالواقعة خط احمر للصحافة الصفراء. وعلى راي رجال باب الحارة “ان ماكبرت، مابتصغر”. ـ
Posted on October 5th, 2008 at 5:44 pm
________________________________________________________________
AAA Says:
إي والله عشنا و شفنا !
Posted on October 5th, 2008 at 7:17 pm
________________________________________________________________
ABDULLAH Says:
ياعمي نسيتو سالفة فؤاد الهاشم لمن يغلط على رئيس قطر
اصلا هم افضحونا من زمان افضحونا فضيحه دوليه
عيل اكو احد يقول حق رئيس دولة احلق نص شاربي
وعلى فكره غير ان رئيس قطر رفع قضيه وكسبها قطر كلها استنفرت على هالسالفه
ونشروا صورة فؤاد الهاشم بنص شارب
واكو بعد شغله محمد ثلاب رسام الكاركتير
مره بعد غلط على قطر بكبرها
القصه على ما اذكر : نبيل وقتاده راحو يدرسون بقطر وراح مشعل على ابوه يبي يدرس معاهم بو مشعل استغرب راح يستفسر من بوقتاده وبو نبيل
المهم اخر شي بونبيل يقول والله زمن احنا عيالنا يروحون يدرسون بقطر والبحرين والامارات
ما ادري ليش مو عاجبتهم قطر والبحرين والامارات
قسما بالله صرنا في اواخر الدول المتقدمه
والسبب السفهاء امثال الوطن وكم نائب مايخاف الله
ما اقول الا
حسبي الله ونعم الوكيل
واللهم لا تؤاخذنا بما فعل السفهاء منا
Posted on October 5th, 2008 at 9:27 pm
________________________________________________________________
Frankom Says:
ولا ابشرك
شركة الوطنية الى اليوم مو منزلين اعلان في الوطن من بعد ماتطنزوا على القطريين
وهم ابشرك عندي موضوع لاتشوف القطريين اللي معلقين على فؤاد الهاشم الله وكيلك طابين فيه طبه قهر
Posted on October 5th, 2008 at 9:42 pm
________________________________________________________________
Bo Jaij Says:
ردهم فيه إثبات صريح لتهمة (التشهير و الكذب) إذا الصقر راح يرفع قضية
يعنى على حسب كلامهم الحين بطل الخمر و الكرتون مالهم علاقة بالسيارة و لا مالكها الصقر…يعنى تمت إضافة الصور الكبيرة و الملونة كزينة مثلا..أو يمكن من عادة الوطن أن تضع صور لا معنى لها (مشروب - بنات - أسلحة - مخدرات) و بشكل عشوائى بالأخبار التى تخص النواب
عذر أقبح من ذنب
و دليل آخر على مستوى الإنجطاط الصحفى الذى وصلت له جريدة الحكومة
Posted on October 5th, 2008 at 10:43 pm
________________________________________________________________
Damon Dash Says:
انتوا تقولون اذا اهو يشرب فالاسلام قال انه مو لازم نفضحه؟
لا الاسلام قال عقوبة شارب الخمر ثمانون جلده تبون يجلدونه؟
اعتقد يحمدربه وصلت السالفه لي هني بس مو اكثر واعتقد انه الصحافه لازم تطلع النواب على حقيقتهم والجريده مجرد نشرت الخبر وقالت انه بمكان مشبوه الي يبي يصدق انه سكران يصدق والي يبي يقول صدقه كيفه بس لازم الكل يعرف الي حصل
اما بالنسبه لفضايح الخليفة هذا من ردى القبس وباقي الجرايد انها ماتفضحه اذا مسوي شي غلط عشان الناس تعرف ويكون كل شي واضح وهاذي الصحافه العالمية ولا تنسون سالفة السناتور الامريكي الي لقوه بالحمام وقالو عنه جنس ثالث وسالفة فضيحة كلينتون وغيرها لازم الناس تعرف والقرار الاول والاخير لنا مو للصحافه وشكرا
Posted on October 8th, 2008 at 2:51 am
________________________________________________________________
Frankom Says:
واعتقد ان الاسلام أمر بأن نأتي بشهود صح ؟
هذي مشكلتنا احنا دايما ناخذ الشي اللي يعجبنا من الاسلام ونرمي اللي ماندري عنه أو اللي مانبيه
كلامك فيه شيئ من الصحة في الفقرة الثانية
Posted on October 8th, 2008 at 6:28 am
________________________________________________________________
Damon Dash Says:
عفوا لكن انا ماقلت انه كان سكران وطلبت شهود لكن الي ابي ابينه انه الجريده مجرد نشرت الخبر انه سيارته خربانه وبمكان فيه بطول ويسكي فقط ماقالوا بطوله وانا اعتقد انه الي ماخذ فكره عن الصقر انه سكير من قبل ماراح يهتم لهذا الخبر لانه عارف هالشي من قبل وايضا الي عارف انه الصقر ملتزم وماعنده هالخرابيط ايضا ماراح يغير رايه هالخبر مشكلتنا انه نحط ببالنا انه الوطن او غيرها من الجرايد ماتكتب الا حقائق الجرايد شغلتها تكتب الي صار وتقول رايها لكن احنا مو ملزومين نصدقها ولكن نشكرها على الخبر عشان يكون للناخب صورة اوسع عن المرشح كونه شخصيه عامه واذا مايبي يحطون صوره بالجرايد عادي لايكون شخصيه عامه ويرشح نفسه لكن هاذي على قولتهم ضريبة الشهره وشكرا
Posted on October 10th, 2008 at 4:57 am
________________________________________________________________
صالح العدساني Says:
السلام عليكم اول شي لاتتعبون مع واحد نفس هذا كلن يعرفه
Posted on October 16th, 2008 at 2:36 am
________________________________________________________________